డొమెస్టిక్ సిలిండర్లను కమర్షియల్కు వాడొద్దు

• అక్రమంగా  నిల్వ ఉంచినా, కృత్రిమ కొరత సృష్టించినా కేసులు 
• సివిల్ సప్లై​ కమిషనర్ స్టీఫెన్ రవీంద్ర 

హైదరాబాద్, వెలుగు: రాష్ట్రంలో డొమెస్టిక్ గ్యాస్​ సిలిండర్లను కమర్షియల్ అవసరాలకు వాడొద్దని సివిల్ సప్లై కమిషనర్ స్టీఫెన్ రవీంద్ర సూచించారున. సిలిండర్లు అక్రమంగా నిల్వ ఉంచినా, కృత్రిమ కొరత సృష్టించినా చర్యలు తప్పవని హెచ్చరించారు. పశ్చిమాసియా యుద్ధ ప్రభావం ఎల్​పీజీ గ్యాస్ సరఫరాపై పడుతున్న నేపథ్యంలో బుధవారం కేంద్ర హోంశాఖ నిర్వహించిన వీడియో కాన్ఫరెన్స్‌‌‌‌లో ఆయన పాల్గొన్నారు. రాష్ట్రంలో గ్యాస్ సరఫరా పరిస్థితి, తీసుకుంటున్న జాగ్రత్తలు, చర్యలను వివరించినట్లు  తెలిపారు. రాష్ట్ర సివిల్ సప్లైస్​ఎన్‌‌‌‌ఫోర్స్‌‌‌‌మెంట్ ఆధ్వర్యంలో వరుస తనిఖీలు నిర్వహిస్తున్నామని చెప్పారు.

ఈ నెల 9న హనుమకొండ, వరంగల్, కర్మాన్‌‌‌‌ఘాట్ ప్రాంతాల్లో దాడులు నిర్వహించి, 22 డొమెస్టిక్ సిలిండర్లు, 25 చిన్న సిలిండర్లు, గ్యాస్ రీఫిల్లింగ్ యూనిట్లను, ఫిబ్రవరి 14న ఇబ్రహీంపట్నం మండలంలోని బొంగులూరు ప్రాంతంలో 78 డొమెస్టిక్ సిలిండర్లు, ఒక  వెహికల్​ను పట్టుకున్నామని తెలిపారు. వీటి మొత్తం విలువ సుమారు రూ.2.36 లక్షలు ఉంటుందన్నారు. రాష్ట్రవ్యాప్తంగా ఇప్పటివరకు 7 కేసులు నమోదయ్యాయని చెప్పారు.  ప్రజలు అవసరానికి మించి గ్యాస్​ సిలిండర్లు బుక్​ చేయొద్దని, అక్రమ వినియోగంపై టోల్ ఫ్రీ నంబర్ 1967 లేదా 1800-425-00333కు ఫోన్ ​చేసి తెలియజేయాలని కోరారు.