చైర్మన్ సీటు కోసం ప్రధాన పార్టీలు ఎత్తులు..

• మోత్కూరు చైర్మన్ ఎస్సీ మహిళకు కేటాయింపు
• ఆలేరుకు బీసీ మహిళకు రిజర్వ్ 

యాదాద్రి, వెలుగు: చైర్మన్​ సీటు దక్కించుకోవడానికి రాజకీయ పార్టీలు ఎత్తులు.. పైఎత్తులు వేస్తున్నాయి. రిజర్వ్​ అయిన చైర్మన్​ సీట్ల కోసం జనరల్​ స్థానాల్లోనూ ఎస్సీ, బీసీ మహిళలను పోటీకి దించాయి. యాదాద్రి జిల్లాలోని ఆరు మున్సిపాలిటీల్లో 104 వార్డులు ఉన్నాయి.

ఈ ఆరింటిలో మోత్కూరు ఎస్సీ మహిళకు, ఆలేరు బీసీ మహిళకు రిజర్వ్​అయ్యాయి. భువనగిరి, యాదగిరిగుట్ట, చౌటుప్పల్​జనరల్​మహిళలకు రిజర్వ్​అయ్యాయి. భూదాన్ పోచంపల్లి మాత్రమే జనరల్​గా ఉంది. ఇక వార్డుల విషయానికొస్తే బీసీలకు 31, ఎస్సీలకు 14, ఎస్టీలకు 6, జనరల్​కు 53 రిజర్వ్​  అయ్యాయి. 

మోత్కూరు జనరల్​వార్డుల్లో ఎస్సీ మహిళలు పోటీ.. 

మోత్కూరు మున్సిపాలిటీ ఈసారి ఎస్సీ మహిళకు రిజర్వ్​అయింది. ఈ మున్సిపాలిటీలోని 12 వార్డుల్లో 2వ వార్డు ఎస్సీ మహిళ, 6వ వార్డు ఎస్సీ జనరల్​గా రిజర్వ్​ అయ్యాయి. దీంతో చైర్మన్​ సీటు దక్కించుకోవాలన్న పట్టుదలతో ఉన్న పార్టీలు ప్లాన్​ మార్చుకున్నాయి. ఎస్సీ జనరల్​వార్డులో ముగ్గురు పోటీ చేస్తుండగా కాంగ్రెస్​, బీజేపీ ఎస్సీ మహిళలను రంగంలోకి దించాయి.  4 అన్​ రిజర్వ్​డ్​వార్డుల్లో ఎస్సీ మహిళలను రంగంలోకి దించాయి.  1, 8వ వార్డుల్లో ఇండిపెండెంట్లు, 5లో బీఆర్​ఎస్​, 12వ వార్డులో కాంగ్రెస్​, బీఆర్​ఎస్​ సహా ఇద్దరు ఇండిపెండెంట్లు పోటీ చేస్తున్నారు. 

ఆలేరు జనరల్ వార్డుల్లో బీసీ మహిళ.. 

ఆలేరు మున్సిపాలిటీ చైర్మన్​ ఈసారి బీసీ మహిళకు రిజర్వ్​ అయింది. ఈ మున్సిపాలిటీలోని 12 వార్డుల్లో 10వ వార్డు బీసీ మహిళ, 8వ వార్డు బీసీ జనరల్​కు రిజర్వ్​ అయింది. అయితే చైర్మన్​ సీటు బీసీ మహిళకు రిజర్వ్​ కావడంతో జనరల్​ వార్డుల్లో మహిళలను పోటీ చేయిస్తున్నారు. జనరల్​ వార్డు 1లో బీజేపీ బీసీ మహిళను పోటీకి దింపింది.

జనరల్​ మహిళా వార్డులైన 4లో బీఆర్ఎస్​, బీజేపీ, సీపీఎం, 7వ వార్డులో కాంగ్రెస్​, బీఆర్​ఎస్​, తెలంగాణ రాజ్యాధికార పార్టీ, 12లో కాంగ్రెస్​, బీజేపీ, బీఆర్​ఎస్​ పార్టీలు మహిళలను పోటీకి దించాయి. బీసీ జనరల్​ ఐదులో బీఆర్​ఎస్​, 8లో కాంగ్రెస్​ మహిళలను పోటీ చేయిస్తున్నాయి. భువనగిరి, చౌటుప్పల్​, యాదగిరిగుట్ట మున్సిపాలిటీల్లో చైర్మన్​ సీట్లు జనరల్ మహిళకు రిజర్వ్​ అయ్యాయి.