ముషీరాబాద్, వెలుగు: అన్నిరంగాల్లో విద్యార్థులు రాణించేలా ఉన్నతంగా తీర్చిదిద్దాలని కాకా డాక్టర్ బీఆర్ అంబేద్కర్ విద్యాసంస్థల చైర్మన్, చెన్నూరు ఎమ్మెల్యే వివేక్ వెంకటస్వామి సూచించారు. వివేక్ వెంకటస్వామి, సరోజ దంపతులు బుధవారం బాగ్లింగంపల్లిలోని అంబేద్కర్ విద్యాసంస్థలను సందర్శించారు. విద్యాసంస్థలకు చెందిన ఫ్యాకల్టీ, సిబ్బంది, స్టూడెంట్లు వారికి స్వాగతం పలికి శుభాకాంక్షలు తెలిపారు. నేడు జరగనున్న అలుమ్ని, గ్రాడ్యుయేషన్ డేకు సీఎం రేవంత్ రెడ్డి వస్తున్నందున కాలేజీ ఆవరణలో ఏర్పాట్లను వివేక్ దంపతులు పరిశీలించారు. అనంతరం సిబ్బందికి పలు సూచనలు చేశారు.
