![కేఎంసీలో ఫస్ట్ బ్రెయిన్ ట్యూమర్ సర్జరీ](https://static.v6velugu.com/uploads/2024/03/successfully-brain-tumor-operation-for-the-first-time-in-kakatiya-medical-college-super-specialty-hospital_IMpvZS41AB.jpg)
- ప్రైవేట్ హాస్పిటల్లో చేయిస్తే రూ. 6 లక్షల ఖర్చు
- విజయవంతంగా నిర్వహించిన ‘కాకతీయ’ డాక్టర్లు
- కోలుకుంటున్న పేషెంట్
వరంగల్సిటీ, వెలుగు : కాకతీయ మెడికల్ కాలేజ్ (కేఎంసీ) సూపర్ స్పెషాలిటీ హాస్పిటల్లో మంగళవారం మొట్టమొదటి సారిగా బ్రెయిన్ట్యూమర్ ఆపరేషన్ను విజయవంతంగా నిర్వహించారు. హనుమకొండ జిల్లా కమలాపూర్ మండలం ఉప్పల్ గ్రామానికి చెందిన బుర్ర స్వరూప మెదడుకు సంబంధించిన సమస్యతో బాధపడుతోంది. ప్రైవేట్లో చూపించుకునే స్థోమత లేకపోవడంతో మార్చి11న కేఎంసీలోని న్యూరో సర్జరీ విభాగంలో అడ్మిట్ అయ్యారు. ఆమెకు మెదడులో గడ్డ పెరగడంతో తీవ్రమైన తలనొప్పి, తల నుంచి కాళ్ల వరకు నొప్పితో విలవిల్లాడేది. ఫిట్స్ కూడా వచ్చేవి.
పరీక్షలు నిర్వహించిన డాక్టర్లు ఆమెకు ఆపరేషన్ అవసరమని గుర్తించారు. ఈ ఆపరేషన్కు ప్రైవేట్లో సుమారు రూ.6 లక్షల వరకు ఖర్చవుతుంది. రిస్క్ అయినా కూడా న్యూరో సర్జరీ విభాగం హెచ్ వోడీ డాక్టర్ మహమ్మద్ సికిందర్, అసిస్టెంట్ ప్రొఫెసర్ డాక్టర్ సచిన్, వీరేశ్, అనస్తీసియా డాక్టర్లు డాక్టర్ మురళి, చంద్రశేఖర్, పీజీ డాక్టర్ కిరణ్ ఆధ్వర్యంలో ఈ నెల 18న ఆపరేషన్ విజయవంతంగా పూర్తి చేశారు. స్వరూప ఇప్పడు కోలుకుంటోందని చెప్పారు. అసిస్టెంట్ నోడల్ ఆఫీసర్ డాక్టర్ చంద్రశేఖర్ పాల్గొన్నారు.