అభిమానుల సందర్శనార్థం మంగళవారం రాత్రి విజయ కృష్ణ నిలయంలోనే సూపర్ స్టార్ కృష్ణ పార్ధివదేహాన్ని ఉంచాలని కుటుంబ సభ్యులు నిర్ణయించారు. బుధవారం ఉదయం పద్మాలయ స్టూడియోకు కృష్ణ పార్థివదేహాన్ని తరలించనున్నారు. ఆ తరువాత మహాప్రస్థానంలో అంతిమ సంస్కారాలు జరుగుతాయని కుటుంబ సభ్యులు తెలిపారు. అయితే గచ్చిబౌలి స్టేడియంలో అన్ని ఏర్పాట్లు చేసినప్పటికీ.. చివరి నిమిషంలో ఇంట్లోనే పార్ధివదేహం ఉంచాలని కుటుంబ సభ్యులు నిర్ణయించారు.
మధ్యాహ్నం అంతిమయాత్ర
బుధవారం ఉదయం 8 గంటల నుంచి 12 గంటల వరకు అభిమానుల సందర్శనార్థం కృష్ణ భౌతికదేహాన్ని పద్మాలయ స్టూడియోలో ఉంచనున్నారు. ఆ తర్వాత మహాప్రస్థానంలో అంత్యక్రియలు నిర్వహించనున్నారు. ప్రభుత్వ అధికార లాంఛనాలతో అంత్యక్రియలు జరుగుతాయి.
