మల్కాజిగిరి, వెలుగు: అమెరికా వెళ్లిన వృద్ధురాలి ఇంట్లో 3 తులాల బంగారం, కిలో వెండిని దొంగలు ఎత్తుకెళ్లారు. సైనిక్పురిలోని హస్నాపూర్ కాలనీకి చెందిన సీహెచ్ విజయలక్ష్మి (68) గత ఫిబ్రవరి 11న అమెరికాలో ఉన్న తన పిల్లల వద్దకు వెళ్లగా, శనివారం ఉదయం ఇంట్లో పనిచేసే యశోదమ్మ వచ్చి చూసేసరికి ఇంటి ప్రధాన ద్వారం తాళాలు పగులగొట్టి ఉన్నాయి.
బెడ్రూమ్లోపలికి వెళ్లి పరిశీలించగా, అల్మారా తాళాలు కూడా పగులగొట్టి ఉన్నాయి. కాగా, అల్మారాలో 3 తులాల బంగారం, కిలో వెండి వస్తువులు, రూ.5 వేల నగదు ఉన్నట్లు అమెరికాలోని బాధితురాలు పేర్కొన్నారు. అవి కన్పించకపోవడంతో బాధితుల ఫిర్యాదు మేరకు కుషాయిగూడ పోలీసులు కేసు నమోదు చేసి దర్యాప్తు చేస్తున్నారు.
