కొండగట్టు, వెలుగు: జగిత్యాల జిల్లా కొండగట్టు అంజన్న సన్నిధిలో ఏడాదిపాటు తలనీలాల సేకరణకు బుధవారం టెండర్లు నిర్వహించారు. రెండు సీల్డ్ టెండర్లు రాగా, 8 మంది బహిరంగ వేలంలో పాల్గొన్నారు. వెంకట నర్సమ్మ అనే కాంట్రాక్టర్ రూ.కోటి62లక్షలకు టెండర్దక్కించుకున్నారు. అయితే గతేడాది రూ.3.65 కోట్లు పలికిన తల నీలాల టెండర్ను, ఈసారి అతి తక్కువ ధరకే అప్పగించడంపై విమర్శలు వస్తున్నాయి.
ఆలయానికి దాదాపు రూ.2 కోట్లు నష్టం వాటిల్లిందని స్థానికులు మండిపడుతున్నారు. తలనీల టెండర్వేలంపాట ఆరుసార్లు వాయిదా పడడంతోనే తక్కువ ధరకు అప్పజెప్పినట్లు తెలుస్తోంది. మార్కెట్లో తలనీలాల ధర తగ్గిందని, అందుకే కాంట్రాక్టర్లు ముందుకు రావడం లేదని అధికారులు చెబుతున్నారు.
