గ్రూప్ – 4 ఉద్యోగాల భర్తీకి రాష్ట్ర ప్రభుత్వం అనుమతించింది. గ్రూప్ – 4 సర్వీసులకు సంబంధించిన 9,168 ఉద్యోగాల భర్తీకి ఆర్థిక శాఖ పచ్చజెండా ఊపింది. తెలంగాణ పబ్లిక్ సర్వీస్ కమిషన్ (TSPSC) ద్వారా ఈ పోస్టులను భర్తీ చేస్తామని మంత్రి హరీష్ రావు ప్రకటించారు . ఈమేరకు అనుమతి ఇస్తూ తెలంగాణ ఆర్థిక శాఖ ఉత్తర్వులు జారీ చేసింది.
భర్తీ చేయనున్న పోస్టుల వివరాలు..
గ్రూప్ 4 ఉద్యోగాల్లో ప్రధానంగా 3 కేటగిరీలకు సంబంధించిన పోస్టులు ఉన్నాయి. వీటిలో దాదాపు 6,859 జూనియర్ అసిస్టెంట్ పోస్టులు, 1,862 వార్డు ఆఫీసర్ పోస్టులు, పంచాయతీరాజ్ శాఖలో 1,245 పోస్టులు, 429 జూనియర్ అకౌంటెంట్ పోస్టులు, 18 జూనియర్ ఆడిటర్ పోస్టులు ఉన్నాయి. ఇక రెవెన్యూ శాఖలోనూ 2,077 జూనియర్ అసిస్టెంట్ పోస్టులు ఉన్నాయి.