హైదరాబాద్, వెలుగు: ఆస్తి పన్ను బకాయిల వడ్డీపై 90 శాతం రాయితీ అందిస్తున్నట్లు జీహెచ్ఎంసీ కమిషనర్రోనాల్డ్రోస్ ప్రకటించారు. బల్దియా పరిధిలో వన్ టైమ్ సెటిల్మెంట్(ఓటీఎస్) స్కీమును అమలు చేస్తున్నామని, ప్రతిఒక్కరూ ఈ అవకాశాన్ని సద్వినియోగం చేసుకోవాలని విజ్ఞప్తి చేశారు. ఈ నెల 31 వరకు స్కీము అందుబాటులో ఉంటుందని, పెండింగ్బకాయిలను కేవలం 10 శాతం వడ్డీతో చెల్లించవచ్చని చెప్పారు. అన్ని రకాల ఆస్తి పన్ను బకాయిలకు ఓటీఎస్వర్తిస్తుందని స్పష్టం చేశారు. అలాగే ప్రతి ఆదివారం అన్ని సర్కిల్ఆఫీసుల్లో ఉదయం 9.30 నుంచి మధ్యాహ్నం ఒంటి గంట వరకు ‘ప్రాపర్టీ ట్యాక్స్పరిష్కారం’ పేరుతో ప్రత్యేక కార్యక్రమం నిర్వహించనున్నట్లు తెలిపారు. మార్చి 3, 10, 17, 24, 31 తేదీల్లో నిర్వహించే ప్రత్యేక సమావేశాల్లో ఆస్తి పన్నుకు సంబంధించి కోర్టు కేసులు మొదలు అన్ని రకాల సమస్యలను అక్కడికక్కడే పరిష్కరించుకోవచ్చన్నారు. ఈ రెండు అవకాశాలను ఆస్తి పన్ను బకాయిదారులు సద్వినియోగం చేసుకోవాలని కమిషనర్ కోరారు.
