పండుగల సీజన్లో మేకప్, యాక్సెసరీస్ వేసుకోకుండా ఉండలేరు చాలామంది. మేకప్ వేసుకున్న తర్వాత మాస్క్ పెట్టుకుంటే కంఫర్ట్ అనిపించదు. వేడుకల వేళ కూడా కరోనా జాగ్రత్తలు తీసుకుంటూనే ఫ్యాషనబుల్గా కనిపించొచ్చు అంటున్నాడు ఫ్యాషన్ ఎక్స్పర్ట్ అభిషేక్ దత్తా. అతడు చెబుతున్న టిప్స్ కొన్ని. అడ్జస్టబుల్ లాంగ్ స్ట్రాప్ ఉన్న మాస్క్ ఎంచుకుంటే చెవి రింగులు, కళ్లద్దాలకి అడ్డం రావు. వెల్క్రో, టై–అప్ స్ట్రాప్స్ ఉన్న మాస్క్ పెట్టుకుంటే చెవులు నొప్పి పెట్టవు. డాంగ్లర్స్ లాంటివి కాకుండా చిన్న సైజ్ ఇయర్ రింగ్స్ పెట్టుకోవాలి. హూప్స్, డాంగ్లర్స్ పెట్టుకున్నప్పుడు ఎక్స్టెండెడ్ చెయిన్ ఉన్న మాస్క్ వాడితే బెటర్. వేడుక ముగిశాక హడావిడిగా మాస్క్ తీయొద్దు. ముందుగా ఒకవైపు స్ట్రాప్ తీసి మాస్క్ తియ్యాలి. మేకప్ ఇలా ఉండాలి గ్లాసీ లిప్స్టిక్ బదులు మ్యాటీ లిప్ కలర్ వేసుకోవాలి. ఇదైతే చాలాసేపు నిలిచి ఉంటుంది. మ్యాటీ ఫౌండేషన్ రాసుకున్నాక లిప్స్టిక్ వేసుకోవాలి. లిప్లైనర్, లిప్బామ్ రాసుకుంటే లిప్స్టిక్ చెదరదు. తర్వాత టిష్యూ పేపర్తో లిప్స్ని అద్ది మాస్క్ పెట్టుకోవాలి. క్విక్ టచప్ కోసం లిప్స్టిక్ వెంట ఉంచుకోవాలి. ఫౌండేషన్ తక్కువ వేసుకుని పౌడర్ వేయాలి. బయటికెళ్లే ముందు మళ్లీ కొంచెం పౌడర్ వేస్తే సరిపోతుంది. కళ్లు అట్రాక్టివ్గా కనిపించా లంటే గ్లిట్టరీ ఐ–షాడో కలర్స్ వాడాలి. మాస్క్ పెట్టుకున్నప్పుడు క్రీమీ బ్లష్ వాడొద్దు. సర్జికల్ మాస్క్ పెట్టుకుంటే మేకప్ ఎక్కువ అంటుకోదు. ఈ టైంలో లిక్విడ్ మేకప్ ప్రొడక్ట్స్ జోలికి వెళ్లకపోవడమే మంచిది. మాస్క్ వల్ల ముఖంపై టెంపరేచర్పెరిగి చెమట, ఉక్కపోతలాంటి సమస్యలొస్తాయి. దాంతో లిక్విడ్ మేకప్ క్షణాల్లో కరిగిపోతుంది పైగా మాస్క్ కూడా పాడవుతుంది. అందుకే ఈ టైంలో పౌఢర్ బేస్డ్ మేకప్ ప్రొడక్ట్స్ వాడాలి. మాస్క్ పెట్టుకునేటప్పుడు బీబీ క్రీమ్స్కి దూరంగా ఉండాలి.
