ఇంజనీరింగ్ ఫీజుల జీవో రాకుండానే ఏర్పాట్లు
హైదరాబాద్, వెలుగు : రాష్ట్రంలోని ప్రైవేటు ఇంజనీరింగ్ కాలేజీల్లో ఫీజులపై సర్కారు ఇంకా ఏమీ తేల్చలేదు. టీఏఎఫ్ఆర్సీ అధికారులు 173 కాలేజీల మేనేజ్మెంట్లతో హియరింగ్ నిర్వహించి, ఫీజుల ప్రతిపాదనలను ఇటీవలే ప్రభుత్వానికి పంపించారు. అయితే ఆ ఫీజులపై అధికారికంగా జీవో ఇవ్వాల్సి ఉన్నా, ప్రభుత్వం ఇంకా రిలీజ్ చేయలేదు. దీంతో స్టూడెంట్లకు ఏ కాలేజీలో ఎంత ఫీజు అనే వివరాలపై అయోమయం నెలకొంది. మరోపక్క ఎంసెట్ (ఇంజనీరింగ్) సెకండ్ ఫేజ్ వెబ్ కౌన్సెలింగ్ ప్రక్రియ బుధవారం నుంచి ప్రారంభవుతోంది.
ఈ నెల 12, 13న వెబ్ఆ ప్షన్ల ప్రక్రియ పూర్తికానుంది. 16న సీట్ల అలాట్మెంట్ చేస్తారు. అయినా ఇప్పటికీ ఫీజులపై ప్రభుత్వం స్పష్టత ఇవ్వలేదు. కాగా ఎంసెట్ సెకండ్ ఫేజ్ అడ్మిషన్ కౌన్సెలింగ్కు 22,820 సీట్లు అందుబాటులో ఉన్నాయని టెక్నికల్ ఎడ్యుకేషన్ కమిషనర్ నవీన్ మిట్టల్ ప్రకటించారు.
