హైదరాబాద్, వెలుగు: వడగండ్ల వానలతో ఇప్పటికే అతలాకుతలమవుతోన్న రైతులకు వాతావరణ శాఖ మరో హెచ్చరిక జారీ చేసింది. శనివారం మరోసారి వడగండ్ల వానలు కురిసే ప్రమాదముందని స్పష్టం చేసింది. ఆదిలాబాద్, ఆసిఫాబాద్, మంచిర్యాల, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్భూపాలపల్లి, ములుగు, మహబూబాబాద్, వరంగల్, హనుమకొండ జిల్లాల్లోని పలు చోట్ల వడగండ్ల వర్షాలు పడే అవకాశం ఉందని తెలిపింది.
శుక్రవారం కొన్ని చోట్ల.. ఆదివారం రాష్ట్రమంతటా తేలిక పాటి నుంచి మోస్తరు వర్షాలు కురిసే చాన్స్ ఉందని పేర్కొంది. హైదరాబాద్లో శని, ఆదివారాల్లో మోస్తరు వర్షాలు కురవొచ్చని అంచనా వేసింది. కాగా, గురువారం ఆదిలాబాద్, మహబూబ్నగర్లలో 37 డిగ్రీలు, భద్రాచలంలో 36.2, ఖమ్మంలో 36 డిగ్రీల టెంపరేచర్లు నమోదైనట్లు వాతావరణ శాఖ పేర్కొంది.
