డిమాండ్ ఉన్నప్పుడే నాలుగు రాళ్లు సంపాదించుకోవాలనే సూత్రం బాగా వంట పట్టించుకున్న దొంగలు.. ఇప్పుడు గ్యాస్ సిలిండర్లపై కన్నేశారు. మార్కెట్లో గ్యాస్ సిలిండర్లకు ఉన్న డిమాండ్ అంతా ఇంతా కాదు ఇప్పుడు.. వీటిని క్యాష్ చేసుకోవాలని భావించిన ఆ దొంగలు.. ఒకటీ అరా అయితే లాభం లేదనుకుని.. ఏకంగా గ్యాస్ సిలిండర్ల ట్రక్కునే ఎత్తుకెళ్లారు.. ఉత్తరప్రదేశ్ రాష్ట్రంలో జరిగిన ఈ ఘటన ఇప్పుడు దేశంలో సిట్యువేషన్ ఏంటో చెబుతోంది. పూర్తి వివరాల్లోకి వెళితే..
పశ్చిమాసియా ఉద్రిక్తతలతో ప్రపంచవ్యాప్తంగా చమురు, గ్యాస్ సంక్షోభం ఏర్పడింది. క్రూడాయిల్, ఎల్పీజీ గ్యాస్ కోసం గల్ఫ్ దేశాలపై ఆధారపడ్డ ఇండియాపైన ఈ యుద్ధ ప్రభావం తీవ్రంగా పడింది. మిడిల్ ఈస్ట్ టెన్షన్స్తో భారత్లో ముడి చమురు.. ముఖ్యంగా ఎల్పీజీ గ్యాస్ కొరత ఏర్పడింది. గ్యాస్ సిలిండర్ల షార్టేజ్తో దేశంలోని ప్రధాన నగరాల్లో హాటల్స్, రెస్టారెంట్లు మూసివేసే పరిస్థితి దాపురించింది. ఈ పరిస్థితుల్లో ఉత్తరప్రదేశ్లోని ఝాన్సీ జిల్లాలో ఓ షాకింగ్ సంఘటన వెలుగులోకి వచ్చింది. సుమారు 500 వంట గ్యాస్ సిలిండర్లతో నిండిన ట్రక్కును ఎత్తుకెళ్లారు దొంగలు.
ఈ కేసును ప్రతిష్టాత్మకంగా తీసుకున్న పోలీసులు ఏడుగురు నిందితులను అరెస్ట్ చేసి గ్యాస్ సిలిండర్లను స్వాధీనం చేసుకున్నారు. ఝాన్సీ ఎస్పీ పోలీస్ జీటీఎస్ మూర్తి వివరాల ప్రకారం.. 524 భారత్ గ్యాస్ సిలిండర్లతో నిండిన ట్రక్ను డ్రైవర్ రాజ్ కుమార్ సిప్రి బజార్లోని తన ఇంటి బయట పార్కింగ్ చేశాడు. తెల్లారి చూసే వరకు ట్రక్ కనిపించలేదు. దీంతో పోలీసులకు ఫిర్యాదు చేశాడు. ఈ మేరకు కేసు నమోదు చేసుకున్న పోలీసులు దర్యాప్తు చేపట్టారు. ట్రక్కు బారగావ్ పోలీస్ స్టేషన్ ప్రాంతంలోని ఒక ధాబా సమీపంలో ఉన్నట్లు గుర్తించారు పోలీసులు.
►ALSO READ | గ్యాస్ కస్సు బుస్సు : జొమాటో, స్విగ్గీలు ఒక్కొక్కరికీ 10 వేల రూపాయలు ఇవ్వాలి.. !
కానీ దాంట్లో ఒక్క సిలిండర్ కూడా లేదు. అంతేకాకుండా పోలీసులకు చిక్కకుండా ట్రక్ జీపీఎస్ పరికరాలను కూడా పగొలగొట్టారు దొంగలు. ఈ కేసును చాలెంజింగ్ తీసుకున్న పోలీసులు ప్రత్యేక బృందాలను ఏర్పాటు చేసి గాలింపు చేపట్టారు. ఈ క్రమంలో బుధవారం (మార్చి 11) తెల్లవారుజామున 3 గంటల ప్రాంతంలో గ్వాలియర్ రోడ్డులోని గ్యాస్ గిడ్డంగి సమీపంలో నిందితులు జావేద్, సుమిత్, హృతిక్, అమీర్, శుభంకర్, అభిషేక్, సురేంద్రలను పోలీసులు అరెస్ట్ చేశారు. నిందితులు ఇచ్చిన సమాచారం ఆధారంగా గ్యాస్ సిలిండర్లను స్వాధీనం చేసుకున్నారు. ఈ విషయం సోషల్ మీడియాతో వైరల్ కావడంతో ఇంత టాలెంట్ ఉన్నారేంట్రా బాబు బాబూ ఫన్నీగా కామెంట్స్ చేస్తున్నారు నెటిజన్లు.
