- రికార్డ్ డౌన్లోడ్లు..
- 46.68 కోట్లతో ఇండియా టాప్
టిక్టాక్.. యువతను ఊపేస్తున్న యాప్. కొందరు టైంపాస్కు వీడియోలు పెడుతుంటే, మరికొందరు తమలోని ట్యాలెంట్నంతా బయటపెట్టేందుకు అదే మంచి వేదిక అనుకుంటున్నారు. చిన్నాపెద్ద తేడా లేకుండా అంతలా అందరికీ చేరువైంది ఆ యాప్. మరి, అలాంటి యాప్ రికార్డులు కొట్టేయకుండా ఉంటుందా? కొట్టేసింది. ప్రపంచవ్యాప్తంగా 150 కోట్ల మంది ఆ యాప్ను డౌన్లోడ్ చేసుకున్నారు. ఆ డౌన్లోడ్లలోనూ మన దేశమే ముందుండడం మరో విశేషం. ఒక్క ఇండియాలోనే దాదాపు 46.68 కోట్ల మంది టిక్టాక్ను డౌన్లోడ్ చేసుకున్నారు. మొత్తం డౌన్లోడ్లలో 31 శాతం వాటా మనదే. ఇక, ఈ ఏడాది మొత్తం 61.4 కోట్ల మంది టిక్టాక్ను డౌన్లోడ్ చేసుకున్నారు. గత ఏడాదితో పోలిస్తే ఆరు శాతం ఎక్కువ. మన దేశంలో ఈ ఏడాది 27.76 కోట్ల మంది దాన్ని డౌన్లోడ్ చేసుకున్నారు. ప్రపంచ వ్యాప్తంగా మన వాటా 45 శాతం. ఆ తర్వాత 4.55 కోట్ల డౌన్లోడ్లతో చైనా రెండో స్థానంలో ఉంది. ఆ దేశం వాటా 7.4 శాతం. ఆ తర్వాత 3.76 కోట్ల (6%) డౌన్లోడ్లతో అమెరికా మూడో స్థానంలో నిలిచింది. ఈ ఏడాది ఎక్కువగా డౌన్లోడ్ చేసుకున్న నాన్ గేమింగ్ యాప్లలో టిక్టాక్ది మూడో స్థానం. 70.74 కోట్ల డౌన్లోడ్లతో వాట్సాప్ ఫస్ట్ ప్లేస్లో ఉంది.
