ట్యాప్ నుంచి వచ్చే నీళ్లు చేత్తో చూడకుండానే వేడిగా ఉన్నాయా... చల్లగా ఉన్నాయా... చెప్పగలమా? ఈ ఫాసెట్ ట్యాప్కి బిగిస్తే.. చెప్పొచ్చు.
ఎండాకాలంలో బయటికి వెళ్లినప్పుడు ‘కాసేపు చల్లని గాలి తగిలితే బాగుంటుంది’ అనిపిస్తుంది. అందుకోసమే మనతో పట్టుకెళ్లే ఫ్యాన్. ఇలా... మనం రెగ్యులర్గా చేసే పనులు కాస్త సులభంగా చేసేందుకు ఉపయోగపడే కొన్ని గాడ్జెట్స్ అండ్ టూల్స్ ఇవి.
హిబ్రోన్ ఫ్యాన్
ఎండాకాలం వచ్చేసింది.. ఉక్కపోత మొదలైంది. అందుకే అందరూ కూలర్లు, ఏసీలు వాడడం మొదలుపెట్టారు. ఇంట్లో ఉన్నప్పుడు వాటిని వాడుతున్నారు సరే.. మరి బయటికి వెళ్లినప్పుడు? అందుకోసమే మార్కెట్లోకి కొన్ని పోర్టబుల్ ఫ్యాన్లు వచ్చేశాయి. ఓ అడుగు ముందుకేసి హిబ్రోన్ కంపెనీ వెయిస్ట్ ఫ్యాన్ తీసుకొచ్చింది. బయటికి వెళ్లేటప్పుడు దీన్ని బెల్ట్కి పెట్టుకుని ఆన్ చేస్తే చాలు. ముఖానికి చల్లని గాలి తగులుతుంది. ఈ ఫ్యాన్లో 6000 mAh బ్యాటరీ ఉంటుంది. అందువల్ల దీన్ని పవర్ బ్యాంక్గా కూడా వాడుకోవచ్చు. ఇందులో ఒక టార్చ్ లైట్ కూడా ఉంటుంది.
ధర:4,000 రూపాయలు
లైట్ ఛేంజింగ్ టెంపరేచర్ సెన్సర్
దాదాపు అందరి ఇళ్లలో ఎలక్ట్రానిక్ గీజర్లు వాడుతున్నారు. వాటి ద్వారా నీళ్లు వేడెక్కి, డైరెక్ట్గా ట్యాప్ నుంచి వస్తాయి. అయితే.. అవి ఎంత వేడిగా ఉన్నాయో తెలుసుకోవాలంటే నీళ్లలో చెయ్యి పెట్టి చూడాల్సిందే. అలాకాకుండా.. ఈ ఫాసెట్ బిగిస్తే చేత్తో చూడాల్సిన అవసరమే లేదు. లింబాని బ్రదర్స్ కంపెనీ తీసుకొచ్చిన ఈ లైట్ ఛేంజింగ్ ఫాసెట్ నీళ్ల టెంపరేచర్ని బట్టి లైట్ రంగుని మారుస్తుంటుంది. ఇందులో ఉండే లైట్ ఏడు రంగుల్లో వెలుగుతుంది. నీళ్లు బాగా వేడిగా ఉంటే ఎరుపు రంగులో, తక్కువ వేడిగా ఉంటే గ్రీన్ కలర్లో వెలుగుతుంది. నీళ్లు చల్లగా ఉంటే బ్లూ కలర్ లైట్ వస్తుంది. దీనికి బ్యాటరీలు కూడా అవసరం లేదు. ఛార్జింగ్ పెట్టాల్సిన పని కూడా లేదు. హైడ్రాలిక్ డ్రైవ్‌‌పై ఆధారపడి పనిచేస్తుంది. ధర: 399 రూపాయలు
ఐకాల్ ఫోన్ హోల్డర్
ల్యాప్ట్యాప్లో వర్క్ చేస్తున్నప్పుడు కొన్నిసార్లు ఫోన్ కూడా వాడాల్సి వస్తుంది. అలాంటప్పుడు కాస్త ఇబ్బందే. అందుకే ఐకాల్ కంపెనీ ల్యాప్ట్యాప్ సైడ్ మౌంట్ ఫోన్ హోల్డర్ తెచ్చింది. దీన్ని ల్యాప్ట్యాప్కి ఎటాచ్ చేసి, వర్క్ చేస్తూనే ఈజీగా మొబైల్ ఆపరేట్ చేయొచ్చు. దీన్ని ఇన్స్టాల్ చేయడం చాలా ఈజీ. సేఫ్టీ స్పాంజ్ ఉండడం వల్ల ల్యాప్ట్యాప్ డ్యామేజ్ కాకుండా ఉంటుంది. మ్యాగ్నెటిక్స్తో ఫోన్ హోల్డ్ అవుతుంది. కాబట్టి ఫోన్ డ్యామేజ్ కాదు. ఈ హోల్డర్ అల్యూమినియంతో తయారుచేస్తారు. ధర: 425 రూపాయలు
స్మార్ట్ ఐ-మసాజర్
కళ్లు అలసిపోయి ఇబ్బందిగా అనిపించినప్పుడు, తలనొప్పి వచ్చినప్పుడు తగ్గించుకునేందుకు రకరకాల ప్రయత్నాలు చేస్తుంటాం. అయితే.. స్మార్ట్ ఐ–మసాజర్తో ఈ రెండు సమస్యలకు చెక్ పెట్టొచ్చు అంటోంది ఐగేర్ కంపెనీ. ఈ మసాజర్ రిథమిక్ పెర్కుషన్ మసాజ్ చేసి కంటి ఒత్తిడి, తలనొప్పి నుంచి ఉపశమనాన్ని కలిగిస్తుంది. ముఖ్యంగా స్క్రీన్‌ ముందు ఎక్కువగా కూర్చునేవాళ్లకు, పుస్తకాలు ఎక్కువగా చదివేవాళ్లకు ఇది బాగా ఉపయోగపడుతుంది. హాయిగా నిద్రపట్టేలా చేస్తుంది. ఇందులో ఇన్బిల్ట్ హీటింగ్ ప్యాడ్‌‌లు ఉంటాయి. 38 నుంచి 42 డిగ్రీల సెంటీగ్రేడ్ మధ్య 3 అడ్జస్ట్మెంట్ లెవల్స్ ఉంటాయి. వీటివల్ల కళ్ల చుట్టూ రక్త ప్రసరణ బాగా జరుగుతుంది. కంటి ఉబ్బరం, బ్లాక్ సర్కిల్స్ తగ్గుతాయి. ఇందులో ఆరు ఇంటెలిజెంట్ లూప్‌‌లు కళ్ల చుట్టూ ఉన్న ఆక్యుపాయింట్లను కవర్ చేస్తాయి. నుదుటి మీద మసాజ్ చేయడం వల్ల తలనొప్పి తగ్గుతుంది. దీన్ని ఎక్కడికైనా ఈజీగా క్యారీ చేయొచ్చు. ఇది 1200mAh బ్యాటరీతో వస్తుంది. ఒకసారి ఫుల్ ఛార్జ్ చేస్తే 15 సార్లు వాడుకోవచ్చు.
ధర: 2,749 రూపాయలు
