ట్రాఫిక్ పెండింగ్ చలాన్ల డిస్కౌంట్ గడువును మరోసారి పొడిగించింది ప్రభుత్వం. ఫిబ్రవరి 15 వరకు పొడిగిస్తూ ఉత్తర్వులు జారీ చేసింది. డిసెంబర్ 25 వరకు ఉన్న చలాన్లకే ఈ ఆఫర్ వర్తిస్తుంది.
పెండింగ్ చలాన్లు చెల్లించేందుకు 2023 డిసెంబర్ 27న ప్రభుత్వం డిస్కౌంట్ ఆఫర్ ప్రకటించింది. టూవీలర్స్, త్రీ వీలర్స్ వాహనాలపై 80 పర్సంట్.. లైట్ అండ్ హెవీ మోటార్ వెహికల్స్ కు 50 శాతం ఆఫర్ ,ఆర్టీసీ బస్సులకు 90 శాతం డిస్కౌంట్ తో చలాన్లు చెల్లించేందుకు అవకాశం ఇచ్చింది. జనవరి 10 వరకు ఈ ఆఫర్ ను ఇచ్చింది. తర్వాత మళ్లీ జనవరి 31 వరకు గడువు పొడిగించింది.ఇవాళ్టితో గడువు ముగియడంతో మరోసారి పొడిగించింది.
రాష్ట్ర వ్యాప్తంగా3.59 కోట్ల పెండింగ్ చలాన్లు ఉండగా..ఇప్పటి వరకు 40 శాతం చెల్లించినట్లు తెలుస్తోంది. దీని ద్వారా ప్రభుత్వానికి 135 కోట్లకు పైగా ఆదాయం వచ్చిందని సమాచారం.
