పశ్చిమగోదావరి జిల్లాలో ఘోర రోడ్డు ప్రమాదం జరిగింది. తాడేపల్లిగూడెం నుండి తణుకు వెళ్లే జాతీయ రహదారిపై ఇవాళ(శుక్రవారం) జరిగిన రోడ్డు ప్రమాదంలో ఇద్దరు సజీవదహనం అయ్యారు. స్పిరిట్‌ లోడ్‌తో వెళ్తున్న లారీ అదుపుతప్పి రహదారికి పక్కనే ఉన్న చెట్టును ఢీకొట్టింది. ఈ ప్రమాదంలో లారీలో మంటలు చెలరేగి… డ్రైవర్, క్లీనర్ సజీవదహనమయ్యారు. స్థానికుల సమాచారంతో పోలీసులు అగ్నిమాపక సిబ్బందితో ఘటనా స్థలానికి చేరుకున్నారు. అగ్నిమాపక సిబ్బంది మంటలను అదుపు చేశారు.అయితే అప్పటికే లారీ పూర్తిగా దగ్ధమైంది. కేసు నమోదు చేసిన పోలీసులు దర్యాప్తు చేపట్టారు.
