వేములవాడ రూరల్/ నకిరేకల్, వెలుగు: రాష్ట్రంలో శుక్రవారం వడదెబ్బతో ఇద్దరు మృతి చెందారు. రాజన్న సిరిసిల్ల జిల్లాలో బిహార్కు చెందిన కూలీ, నల్గొండ జిల్లాలో ఓ ప్రైవేట్ టీచర్ చనిపోయారు. రాజన్న సిరిసిల్ల జిల్లా వేములవాడ రూరల్ మండలం అచ్చన్నపల్లి గ్రామంలోని ధాన్యం కొనుగోలు కేంద్రంలో బిహార్కు చెందిన కూలీ శంకర్ సదా (33) పని చేస్తున్నాడు. శుక్రవారం ఆయనకు వడదెబ్బ తగిలి అస్వస్థతకు గురయ్యాడు.
వెంటనే ఆయనను ఆస్పత్రికి తీసుకెళ్లినప్పటికీ అప్పటికే మృతి చెందాడు. డెడ్బాడీని పోస్టుమార్టం కోసం సిరిసిల్ల ఏరియా ఆసుపత్రికి తీసుకెళ్లారు. ఈ ఘటనపై కేసును నమోదు చేసి దర్యాప్తు చేస్తున్నట్టు వేములవాడ రూరల్ ఎస్ఐ మారుతి తెలిపారు. నల్గొండ జిల్లా శాలిగౌరారం మండ లం అడ్లూరు గ్రామానికి చెందిన బోడ ఆశ్రిత నకిరేకల్ పట్టణంలోని ఓ ప్రైవేట్ స్కూల్లో టీచర్గా పనిచేస్తున్నది. ఇటీవల బంధువు ఫంక్షన్కు వెళ్లి వడదెబ్బకు గురైంది. శుక్రవారం తీవ్ర అస్వస్థతో మృతి చెందింది. తన భార్య ఫంక్షన్కు వెళ్లడంతో వడదెబ్బ తగిలిందని.. తీవ్ర అస్వస్థతతో చనిపోయిందని ఆశ్రిత భర్త పేర్కొన్నారు.
