తన నటనను అందరికీ పరిచయం చేయకముందే పాటతో ఫేమస్ అయిపోయాడు సాయిధరమ్ తేజ్ తమ్ముడు వైష్ణవ్ తేజ్. అతను నటిస్తున్న ‘ఉప్పెన’ సినిమాలోని ‘నీ కన్ను నీలి సముద్రం’ సాంగ్‌ సెన్సేషన్ సృష్టిస్తోంది. దేవిశ్రీప్రసాద్ ట్యూన్ చేసిన ఈ పాటకు యూట్యూబ్‌ లో నూట యాభై మిలియన్ వ్యూస్ వచ్చాయి. శ్రీమణి, రఖీబ్ లిరిక్స్ అందించారు. జావెద్ ఆలీ, శ్రీకాంత్ చంద్ర పాడారు. యూత్‌ ఫుల్‌ గా ఉండటంతో పాట పెద్ద హిట్టయ్యింది. ఈ సినిమాలోని ‘రంగులద్దుకున్న’ పాటకి కూడా మంచి రెస్పాన్స్ వస్తోంది. ఈ చిత్రంతో బుచ్చిబాబు సానా దర్శకుడిగా పరిచయమవుతున్నాడు. మైత్రి మూవీ మేకర్స్, సుకుమార్ రైటింగ్స్ సంస్థలు కలిసి నిర్మిస్తున్నాయి. కృతీశెట్టి హీరోయిన్. విజయ్ సేతుపతి కీలక పాత్రలో నటిస్తున్నాడు. సాయిచంద్ , బ్రహ్మాజీ కీలక పాత్రలు పోషిస్తున్నారు.
