న్యూఢిల్లీ: ఆంజియోడెమా చికిత్సలో ఉపయోగించే జెనరిక్ ఐకాటిబంట్ ఇంజెక్షన్‌‌‌‌‌‌‌‌ను తయారు చేయడానికి, మార్కెట్ చేయడానికి తమ యుజియా ఫార్మా స్పెషాలిటీస్‌‌‌‌‌‌‌‌కు యూఎస్ హెల్త్ రెగ్యులేటర్ నుండి తుది ఆమోదం లభించిందని అరబిందో ఫార్మా బుధవారం తెలిపింది.
యూఎస్ ఫుడ్ & డ్రగ్ అడ్మినిస్ట్రేషన్ (యూఎస్ఎఫ్డీఏ) సింగిల్-డోస్ ప్రీ-ఫిల్డ్ సిరంజీ ఇకాటిబంట్ ఇంజెక్షన్ 30 ఎంజీ/3 ఎంఎల్ (10 ఎంజీ/ఎంఎల్) కోసం గ్రీన్సిగ్నల్ ఇచ్చిందని అరబిందో ఫార్మా రెగ్యులేటరీ ఫైలింగ్‌‌‌‌‌‌‌‌లో తెలిపింది. ఇది యూఎస్ కంపెనీ టేకేడా ఫార్మాస్యూటికల్స్ రిఫరెన్స్ లిస్టెడ్ డ్రగ్ ఫిరాజిర్ (ఇకాటిబంట్ ఇంజెక్షన్)కి బయో ఈక్వివలెంట్. దీనిని వచ్చే నెల లాంచ్ చేస్తామని అరబిందో ఫార్మా తెలిపింది. యూఎస్లో ఈ డ్రగ్కు 137 మిలియన్ల డాలర్ల మార్కెట్ ఉందని కంపెనీ తెలిపింది.
