హైదరాబాద్, వెలుగు: ‘పీసీసీ చీఫ్గా ఉత్తమ్ కుమార్ రెడ్డి కంటిన్యూ అయితే ఓకే.. మార్చాలనుకుంటే మాత్రం నాకే అవకాశం ఇవ్వాలె’ అంటూ సీఎల్పీ నేత భట్టి విక్రమార్కను ఎమ్మెల్యే జగ్గారెడ్డి కోరారు. సీఎల్పీలో మంగళవారం కాంగ్రెస్ శాసన సభాపక్ష నేత భట్టి విక్రమార్క, ఎమ్మెల్యే జగ్గారెడ్డి, మాజీ ఎంపీ కొండా విశ్వేశ్వర్ రెడ్డి తదితరులు సమావేశమయ్యారు.
ఈ సందర్భంగా పీసీసీ చీఫ్ పదవిపైన కొద్దిసేపు చర్చ జరిగిందని సమాచారం. తర్వాత జగ్గారెడ్డి దీనిపై సరదాగా మాట్లాడుతూ.. పీసీసీ చీఫ్ పదవి ఇప్పటికైతే శ్రీధర్ బాబుకు ఇవ్వాలని, ఎన్నికల టైంలో రెడ్డి సామాజిక వర్గానికి ఇవ్వాలనుకుంటే.. పదవి ఆశించే రెడ్డి నేతలందరూ మాట్లాడుకుని ఒకరి పేరును సూచించాలన్నారు. పీసీసీ రేసులో మీరున్నారా అన్న ప్రశ్నకు జవాబిస్తూ.. పార్టీలోని రెడ్డి సామాజిక వర్గం నేతలంతా పీసీసీ చీఫ్ పదవికి అర్హులేనని చెప్పారు.