హైదరాబాద్ సిటీ, వెలుగు: మల్కాజిగిరి మున్సిపల్ కార్పొరేషన్ (ఎంఎంసీ) హెడ్డాఫీసులో ఏర్పాటు చేసిన ఇందిరా మహిళా శక్తి క్యాంటీన్ను సోమవారం కమిషనర్ వినయ్ కృష్ణారెడ్డి ప్రారంభించారు. మహిళా సంఘాల ఆర్థిక సాధికారతను బలోపేతం చేయడంతో పాటు మున్సిపల్ ఉద్యోగులు, ప్రజలకు తక్కువ ధరల్లో పరిశుభ్రమైన, నాణ్యమైన ఆహారం అందించాలనే లక్ష్యంతో ఈ క్యాంటీన్ను ఏర్పాటు చేసినట్లు కమిషనర్ తెలిపారు.
ఈ సందర్భంగా హెచ్ఓడీలతో కలిసి క్యాంటీన్ లో భోజనం చేశారు. అవసరమైన చోట ఇందిరా మహిళ శక్తి క్యాంటీన్లను ప్రారంభించాలని యూసీడీ అధికారులను ఆదేశించారు.
