కోల్బెల్ట్, వెలుగు: ప్రజల సంక్షేమం, అభివృద్ధి కోసం మాట్లాడలేని బీజేపీ లీడర్లు.. వ్యక్తిగత విమర్శలు, అసత్య ప్రచారాలతో కాలక్షేపం చేస్తున్నారని మంచిర్యాల జిల్లా క్యాతనపల్లి టౌన్ కాంగ్రెస్ప్రెసిడెంట్ వొడ్నాల శ్రీనివాస్ విమర్శించారు. ఆదివారం రామకృష్ణాపూర్లోని కాంగ్రెస్ ఆఫీస్లో మీడియా సమావేశంలో మాట్లాడారు.పెద్దపల్లి పార్లమెంట్ ప్రాంతం అభివృద్ధి, ప్రజల సమస్యల పరిష్కారానికి కృషిచేస్తున్న ఎంపీ గడ్డం వంశీకృష్ణ ఫొటోతో ప్రజల మధ్య తిరుగుతూ రాజకీయలబ్ధి కోసం బీజేపీ జిల్లా అధ్యక్షుడు నగునూరి వెంకటేశ్వర్గౌడ్, పార్టీ లీడర్ల వ్యవహరిస్తున్న తీరు విడ్డూరంగా ఉందన్నారు.
అభివృద్ధే ధ్యేయంగా నిరంతరం కృషి చేస్తున్న ప్రజాప్రతినిధులపై బీజేపీ లీడర్లు అసత్య ప్రచారాలు, బురదజల్లే ప్రయత్నాలను ప్రజలెవరూ నమ్మే పరిస్థితిలో లేరని అన్నారు. జగిత్యాల–మంచిర్యాల హైవే- ఫోర్లేన్ల విస్తరణకు రూ.2,700 కోట్లు, పెద్దపల్లి–మణుగూరు రైల్వే ప్రాజెక్టుకు రూ.4,500 కోట్లు, ఆర్వోబీలు, ఎఫ్వోబీల నిర్మాణానికి రూ.500 కోట్లతో పాటు, అభివృద్ధి కోసం అనేక నిధులు తీసుకొస్తున్న ఎంపీపై అసత్య ప్రచారాలు చేయడం సిగ్గుచేటన్నారు. కౌన్సిలర్లు మల్లేశ్, ప్రభాకర్, పార్టీ టౌన్ వైస్ ప్రెసిడెంట్బి.శ్రీనివాస్, జనరల్ సెక్రటరీలు రాజం, వేణు, సత్యనారాయణ, సురేందర్, మైనార్టీ ప్రెసిడెంట్అఫ్జల్ లాడెన్ తదితరులు పాల్గొన్నారు.
