వరంగల్ సిటీ/ నల్లబెల్లి, వెలుగు: ప్రభుత్వ ప్రసూతి ఆస్పత్రి అంటే ఇట్లుంటదా అంటూ వరంగల్ కలెక్టర్ సత్యశారద ఆగ్రహం వ్యక్తం చేశారు. సోమవారం ఆమె వరంగల్ సీకేఎం ఆస్పత్రిని ఆకస్మిక తనిఖీ చేశారు. అక్కడ సేవలపై పేషెంట్లు, డాక్టర్ల వద్ద ఆరా తీశారు. భోజన మెనూ పాటించకపోవడంపై సీరియస్ అయ్యారు. బాలింతలకు పౌష్టికాహారాన్ని అందించాలని సూచించారు. పలు రికార్డులను పరిశీలించారు. అన్నపూర్ణ క్యాంటీన్ను బయటకు మార్చాలని, సీసీ కెమెరాలు ఏర్పాటు చేయాలని చెప్పారు.
అంతకుముందు వరంగల్జిల్లా నల్లబెల్లి మండలం కన్నారావుపేట, నందిగామ గ్రామాల్లో నిర్వహిస్తున్న భూ భారతి సదస్సులను కలెక్టర్ సందర్శించి, రికార్డులను పరిశీలించారు. ఆయా గ్రామాల్లోని ప్రభుత్వ స్కూళ్లను సందర్శించి విద్యార్థుల నమోదు శాతాన్ని పరిశీలించారు. ఆ తర్వాత నిర్వహించిన బడిబాట కార్యక్రమంలో డీఈవో జ్ఞానేశ్వర్, ఇతర అధికారులతో కలిసిపాల్గొన్నారు.
