కాశీబుగ్గ, వెలుగు: కోటి మంది మహిళలను కోటీశ్వరులను చేయడంతో పాటు వారిని అన్ని రంగాల్లో అగ్రగామిగా నిలపడమే కాంగ్రెస్ ప్రభుత్వ లక్ష్యమని పరకాల ఎమ్మెల్యే రేవూరి ప్రకాశ్ రెడ్డి అన్నారు. ఆదివారం గ్రేటర్ సిటీలోని 15,16, 17 డివిజన్ల పరిధిలోని మహిళా సమైక్య గ్రూపు సభ్యులకు ఇందిరా మహిళా శక్తి చీరల పంపిణీ కార్యక్రమాన్ని నిర్వహించారు.
ఈ ప్రోగ్రామ్కు ఎమ్మెల్యే రేవూరి, వరంగల్, హనుమకొండ కలెక్టర్లు సత్య శారద, చాహత్ బాజ్ పాయ్ హాజరై చీరలు పంపిణీ చేశారు. ఈ సందర్భంగా వారు మాట్లాడుతూ మహిళలు అన్ని రంగాల్లో అగ్రగామిగా నిలిచేందుకు ప్రభుత్వం పథకాలను అమలు చేస్తోందని తెలిపారు. పరకాల మహిళా డెయిరీని మహిళలపై పూర్తి నమ్మకంతో ఏర్పాటు చేస్తున్నామని, ప్రతి మహిళా భాగస్వామ్యం కావాలని కోరారు.
