జిల్లాకే టైగర్ను..ఎంపీటీసీకి ఎమ్మెల్యే అనుచరుడి వార్నింగ్
పెద్దపల్లి, వెలుగు: ‘అరేయ్ ఏమనుకుంటున్నవ్.. ఎమ్మెల్యే రైట్హ్యాండ్ను..లారీ కిందేసి తొక్కిస్తా. అక్కడికి వచ్చిన్ననుకో చీర్తా’ అంటూ పెద్దపల్లి జిల్లా ఓదెల మండలం కొలనూర్ ఎంపీటీసీ శ్రీనివాస్ను పూసాల రవి అనే వ్యక్తి ఫోన్లో బెదిరించాడు. ఎంపీటీసీ శ్రీనివాస్ కథనం ప్రకారం.. కొంతకాలంగా కొలనూర్నుంచి ఇటుక బట్టీల కోసం అనుమతులు లేకుండా మట్టిని తరలించుకుపోతున్నారు. ఒకవైపు లారీల వల్ల ప్రమాదాలు జరుగుతూ ప్రాణాలు పోతున్నాయి. రెండు రోజుల క్రితమే సుల్తానాబాద్లో ఇసుక లారీ ఢీకొని ఓ వృద్ధురాలు చనిపోయింది.
దీంతో రాత్రి పూట లారీలు నడపొద్దని బుధవారం రాత్రి మట్టి తరలిస్తున్న ఓ లారీని కొలనూర్లో అడ్డుకుని ఆపేశారు. దీంతో పూసాల రవి అనే వ్యక్తి ఎంపీటీసీ శ్రీనివాస్కు ఫోన్చేసి బూతులు తిట్టాడు. ‘నేనెవరో తెలుసా..ఎమ్మెల్యే దాసరి మనోహర్రెడ్డి రైట్హ్యాండ్ని..జిల్లాకే టైగర్ను. తలుచుకుంటే అదే లారీ కిందేసి తొక్కిస్తా..’అని వార్నింగ్ఇచ్చాడు. దీంతో పూసాల రవిపై ఎస్సీ, ఎస్టీ అట్రాసిటీ కేసు నమోదు చేయాలని పొత్కపల్లి పోలీసుస్టేషన్లో ఫిర్యాదు చేశాడు. ఎమ్మెల్యే బహిరంగ క్షమాపణ చెప్పాలని డిమాండ్ చేశాడు.
