కరీంనగర్జిల్లా శంకరపట్నం పీహెచ్సీ ముందున్న ఇనుప గ్రిల్స్ మధ్యలో ఓ బాలుడి కాలు ఇరుక్కుపోవడంతో 2 గంటలు నరకయాతన అనుభవించాడు. కరోనా వ్యాక్సిన్వేయించుకునేందుకు ఇప్పల గ్రామానికి చెందిన గుడిసె రమ, కొమురయ్య తన మనుమడు అభిలాష్ను వెంటబెట్టుకుని సోమవారం శంకరపట్నం పీహెచ్ సీకి వచ్చారు. లోనికి వెళ్తున్న టైంలో గేటు వద్ద ఉన్న ఇనుప గ్రిల్స్లో అభిలాష్కుడి కాలు ఇరుక్కుపోయింది. ఎంత ప్రయత్నించినా బయటికి రాకపోవడంతో చివరికి వైద్య సిబ్బంది వెల్డర్ని పిలిపించి ఇనుప రాడ్లను కట్ చేయించారు. అప్పటికే రెండు గంటల పాటు బాలుడు ఎండలో తీవ్ర ఇబ్బందులు పడ్డాడు. కాగా ఈ నెల 5వ తేదీన రాజాపూర్ గ్రామానికి చెందిన చిర్ర భారతమ్మ అనే మహిళకు ఇదే పరిస్థితి ఎదురైంది. అధికారులు అప్పుడే పట్టించుకుని ఉంటే ఇప్పుడు బాలుడికి ఇలా జరిగేది కాదని స్థానికులు అంటున్నారు. అదృష్టవశాత్తు బాలుడి కాలికి ఏం కాలేదని చెప్పారు.
