ఖైరతాబాద్, వెలుగు: వచ్చే నెల 21న అంతర్జాతీయ యోగా దినోత్సవాన్ని పురస్కరించుకుని -కేంద్ర రాష్ట్ర ప్రభుత్వాలు, ఆధ్యాత్మిక సంస్థల ఆధ్వర్యంలో ఈ నెల 27న ఎల్బీ స్టేడియంలో యోగా మహోత్సవం నిర్వహించనున్నట్లు ప్రోగ్రామ్ కన్వీనర్ పి.రవి కిశోర్ తెలిపారు. శుక్రవారం ఉదయం 6 గంటల నుంచి ఉదయం 8 .30 వరకు కార్యక్రమం ఉంటుందని, ఆజాదీకా అమృత్ మహోత్సవంలో భాగంగా జరుగుతున్న ఈ కార్యక్రమానికి స్కూళ్ల.. కాలేజీల స్టూడెంట్లు 50 వేల మందిదాకా హాజరవుతారని చెప్పారు. కేంద్రమంత్రి కిషన్ రెడ్డి, ఆయుష్ మంత్రి, రాష్ట్ర మంత్రులు, సినీ ప్రముఖులు పాల్గొంటారని తెలిపారు. ఇందులో ఆధ్యాత్మిక సంస్థలైన పతంజలి ట్రస్ట్, బ్రహ్మకుమారీస్, శ్రీరామ చంద్ర మిషన్, ఆర్ట్ఆఫ్ లివింగ్, ఈషా ఫౌండేషన్ సహకారం ఉంటుందన్నారు.
