స్మార్ట్ ఫోన్ బ్రాండ్ రియల్మీ నార్జో 100 లైట్ 5G పేరుతో ఒక కొత్త స్మార్ట్ ఫోన్ ని ఏప్రిల్ 14న భారత మార్కెట్లో లాంచ్ చేయబోతుంది. ఈ ఫోన్ మొదట కంపెనీ అధికారిక వెబ్సైట్లో, అమెజాన్ ఆన్లైన్ స్టోర్లో అమ్మకానికి వస్తుంది. గత ఏడాది విడుదలైన నార్జో 80 లైట్ 5Gని రీప్లేస్ చేస్తూ, ఈ ఫోన్ థండర్ బ్లాక్, ఫ్రాస్ట్ సిల్వర్ అనే రెండు కలర్స్ లో విడుదల కానుంది.
డిస్ ప్లే & డిజైన్ ఫీచర్లు
డిస్ప్లే గురించి మాట్లాడితే దీనికి పెద్ద 6.8-అంగుళాల స్క్రీన్, అత్యంత వేగవంతమైన 144Hz రిఫ్రెష్ రేట్ ఉన్నాయి. నిజంగా, చాలా బడ్జెట్ ఫోన్లు ఇంత స్మూత్గా ఉండే డిస్ప్లేను అందించవు. దీనికి అదనంగా 900 నిట్స్ పీక్ బ్రైట్నెస్, 180Hz టచ్ శాంప్లింగ్ రేట్, DC డిమ్మింగ్, స్మార్ట్ టచ్ 2.0 ఇచ్చారు.. అంటే మీ తడి చేతులు స్క్రీన్ను పాడు చేయవు. అంతేకాకుండా, IP64 రేటింగ్ ఉండటం వల్ల దుమ్ము, నీటి తుంపరలను ఎలాంటి ఇబ్బంది లేకుండా తట్టుకుంటుంది.
పర్ఫార్మెన్స్ & సాఫ్ట్వేర్
ఈ ఫోన్లో 5G పర్ఫార్మెన్స్ కోసం రూపొందించిన మీడియాటెక్ డైమెన్సిటీ 6300 ప్రాసెసర్ ఇచ్చారు. రియల్మీ దీనిలో 5,300sq mm భారీ వేపర్ ఛాంబర్ కూలింగ్ సిస్టమ్ ఇచ్చింది, కాబట్టి ఎక్కువ సేపు గేమింగ్ ఆడినా కూడా వేడెక్కదు. అంతేకాకుండా, ఈ స్మార్ట్ఫోన్ ఆండ్రాయిడ్ 16 ఆపరేటింగ్ సిస్టమ్పై పనిచేసే రియల్మీ UI 7.0తో రన్ అవుతుంది.
కెమెరా & AI ఫీచర్లు
దీనిలో ఉన్న 13MP ప్రైమరీ కెమెరా రియల్మీ హార్డ్వేర్కు బదులుగా AI ఫీచర్లపై ఎక్కువగా ఆధారపడుతోంది. మీ ఫోటోలను మరింత ఆకర్షణీయంగా చేయడానికి మీకు AI ఎరేజర్ 2.0, AI క్లియర్ ఫేస్, AI స్మార్ట్ ఇమేజ్ మ్యాటింగ్ ఉన్నాయి. క్రియేటివిటీ ఎక్కువగా ఇష్టపడే వారి కోసం AI స్మార్ట్ లూప్, AI డాక్యుమెంట్స్, AI సెలెక్ట్ & సెర్చ్ వంటి టూల్స్ ఇందులో తొలిసారిగా పరిచయం చేసారు.
►ALSO READ | యుద్ధం ఎఫెక్ట్.. షాకిచ్చిన మొబైల్ కంపెనీలు.. స్మార్ట్ ఫోన్ల ధరలు భారీగా పెరిగినయ్ !
బ్యాటరీ & ఛార్జింగ్
ఈ స్మార్ట్ఫోన్లో టైటాన్ అని పిలవబడే 7,000mAh బ్యాటరీ ఉంటుంది. సగం ఛార్జ్తో మీకు దాదాపు 10 గంటల వీడియో ప్లేబ్యాక్, 392 గంటల స్టాండ్బై లభిస్తుందని రియల్మీ చెబుతోంది. ఇది రివర్స్ ఛార్జింగ్కు కూడా సపోర్ట్ ఇస్తుంది.
నార్జో 100 లైట్ 5జి ధర
మొత్తం మీద కొత్త నార్జో 100 లైట్ 5G బడ్జెట్ 5G విభాగంలో ఆకర్షణీయమైన డిస్ప్లే, పెద్ద బ్యాటరీ, లేటెస్ట్ AI ఫీచర్లను తీసుకువస్తుంది. అయితే దీని ధర సుమారు రూ.12,000 ఉంటుందని అంచనా.
