సంగారెడ్డి జిల్లాలో దారుణం జరిగింది... తీసుకున్న అప్పు చెల్లించలేదని అంగన్వాడీ టీచర్ ను చెట్టుకు కట్టేసి అవమానించారు ఫైనాన్సర్లు. బుధవారం ( ఏప్రిల్ 8 ) వెలుగులోకి వచ్చిన ఈ ఘటనకు సంబంధించి వివరాలిలా ఉన్నాయి..సంగారెడ్డి జిల్లా కంగ్టి మండలం రాసోల్ గ్రామంలో అంగన్వాడీ టీచర్ గా పని చేస్తున్న ఓ మహిళను దారుణంగా అవమానించారు ఫైనాన్సర్లు. తీసుకున్న అప్పు చెల్లించలేదని చెట్టుకు కట్టేసి చిత్రహింసలకు గురిచేసారు.
సుమారు గంట పాటు చెట్టుకు కట్టేసి అప్పు చెల్లించాలంటూ మహిళను హింసించారు నీచులు. మంగళవారం జరిగిన ఈ ఘటన ఆలస్యంగా వెలుగులోకి వచ్చింది. బాధితురాలి ఫిర్యాదుతో కేసు నమోదు చేసి దర్యాప్తు చేస్తున్నారు పోలీసులు.
►ALSO READ | వికారాబాద్ వృద్ధురాలి హత్య కేసులో షాకింగ్ విషయాలు
అప్పు తీసుకున్న పాపానికి.. మహిళ అని కూడా చూడకుండా చెట్టుకు కట్టేసి అవమానించారని... ఫైనాన్సర్లపై కఠిన చర్యలు తీసుకోవాలని పోలీసులను కోరింది బాధితురాలు.
