ఖమ్మం కార్పొరేషన్, వెలుగు: ప్రేమ పేరుతో వేధిస్తుండడంతో భరించలేక ఓ బాలిక ఆత్మహత్య చేసుకుంది. పోలీసులు తెలిపిన వివరాల ప్రకారం.. ఖమ్మం జిల్లా తల్లాడ మండల కేంద్రానికి చెందిన కుసుమరాజు వర్షిత(17) ఖమ్మంలోని ప్రైవేటు హాస్టల్లో ఉంటూ వైరా రోడ్డులో ఉన్న ఆసుపత్రిలో పని చేస్తోంది. అదే ఆసుపత్రిలో పనిచేస్తున్న కృష్ణా జిల్లా తిరువూరు మండలం మనుకొల్ల గ్రామానికి చెందిన మల్లవరపు మధుకుమార్వర్షితను ప్రేమిస్తున్నానంటూ వేధిస్తున్నాడు. మధుకుమార్కు గతంలోనే పెండ్లయింది. అతడి వేధింపులు భరించలేక వర్షిత నాలుగు రోజుల క్రితం మరో ఆసుపత్రిలో చేరింది. అయినప్పటికీ వేధింపులు ఆపకపోవడంతో వర్షిత మత్తు ఇంజక్షన్లు తీసుకుని ఆత్మహత్య చేసుకుంది. వర్షిత చావుకు మధుకుమార్కారణమని, అతనిని కఠినంగా శిక్షించాలంటూ వర్షిత తల్లి మాధవి పోలీసులకు ఫిర్యాదు చేశారు.
