చిన్నపిల్లల నుంచి పెద్దవాళ్ల వరకు అందరూ ఇష్టంగా తినే చాకొలెట్.. ఇంట్లో చేసుకోలేమా? ఫ్రెష్గా, టేస్టీగా, మనకు నచ్చిన ఫ్లేవర్స్తో చేసుకుని తింటే ఎంత బావుంటుందో కదా! మరి ఇంకేం ఈ వీకెండ్ చాకొలెట్స్ తయారుచేసుకోవడానికి రెడీ అయిపోండి.
కేరమెల్ టోఫీ
కావాల్సినవి :
చక్కెర: రెండు కప్పులు
క్రీమ్: ఒక కప్పు
సాల్టెడ్ బటర్ (వెన్న):
మూడు టేబుల్ స్పూన్లు
తయారీ: పాన్లో చక్కెర వేసి కరిగించాలి. మిశ్రమం దగ్గరపడ్డాక అందులో క్రీమ్ వేసి బాగా కలపాలి. ఆ తర్వాత సాల్టెడ్ బటర్ వేసి కలపాలి. ఒక గిన్నెలో బటర్ పేపర్ వేసి అందులో ఈ మిశ్రమాన్ని పోయాలి. ఐదు గంటలపాటు చల్లారనివ్వాలి. అంతే.. సింపుల్, టేస్టీ కేరమెల్ టోఫీ రెడీ.
పిస్తా కునాఫా
కావాల్సినవి:
వైట్, డార్క్ చాకొలెట్స్: ఒక్కోటి మూడు టేబుల్ స్పూన్లు
పిస్తా, సేమ్యా : ఒక్కోటి 50 గ్రాముల చొప్పున
నువ్వులు, చక్కెర, నూనె,
వెన్న: ఒక్కో టేబుల్ స్పూన్
ఉప్పు: సరిపడా, పాలు:
రెండు టేబుల్ స్పూన్లు
వెనీలా ఎసెన్స్:
ఒక టీస్పూన్
తయారీ: పాన్లో పిస్తా పప్పుల్ని వేగించాలి. తర్వాత నీళ్లలో వేసి కాసేపయ్యాక పొట్టును తీయాలి. మిక్సీజార్లో నువ్వులు, చక్కెర, ఉప్పు వేసి గ్రైండ్ చేయాలి. అందులోనే పిస్తా పప్పులు, నూనె, వెనీలా ఎసెన్స్ వేసి, పాలు పోసి మెత్తగా మిక్సీ పట్టాలి. పాన్లో వెన్న వేడి చేసి అందులో సేమ్యా వేసి వేగించాలి. ఆ సేమ్యాని పిస్తా మిశ్రమంలో వేసి కలపాలి. వైట్, డార్క్ చాకొలెట్స్ని వేడి చేసి కరిగించాలి. ఆ చాకొలెట్ మిశ్రమాన్ని మౌల్డ్స్లో పోసి పది నిమిషాలు ఫ్రిజ్లో పెట్టాలి. ఆ తర్వాత పిస్తా మిశ్రమాన్ని వేసి దానిపై మరో లేయర్లా చాకొలెట్తో కవర్ చేయాలి. ఫ్రిజ్లో అరగంటసేపు ఉంచాలి.
కోకోనట్ బౌంటీ
కావాల్సినవి:
పాలు: ఒకటిన్నర కప్పు
చక్కెర: ముప్పావు కప్పు
కొబ్బరి పొడి: రెండు కప్పులు
క్రీమ్: పావు కప్పు
చాకొలెట్: 300 గ్రాములు
తయారీ : పాన్లో పాలు పోసి కాగబెట్టాలి. పాలు కాగాక చక్కెర వేసి కరిగించాలి. తర్వాత కొబ్బరి పొడి కూడా వేసి కలపాలి. ఆపై క్రీమ్ వేసి మరోసారి బాగా కలపాలి. మిశ్రమం కాస్త దగ్గర పడ్డాక ఒక ప్లేట్లోకి తీసుకోవాలి. కాసేపు చల్లారాక ఆ మిశ్రమాన్ని కొంచెం కొంచెంగా తీసుకుని వేలెడంత బార్స్లాగ తయారుచేయాలి. వాటిని ఒక ప్లేట్లో పెట్టి గంటసేపు ఫ్రిజ్లో పెట్టాలి. ఒక గిన్నెలో చాకొలెట్స్ వేసి కరిగించాలి. కాస్త చల్లారాక అందులో తయారుచేసుకున్న కోకోనట్ బార్స్ను ముంచాలి. వాటిని మరో గంటసేపు ఫ్రిజ్లో పెడితే సరిపోతుంది.
