నాసిక్: ప్రముఖ సింగర్, భారత రత్న లతా మంగేష్కర్ అస్థికలను కుటుంబ సభ్యులు బుధవారం నాసిక్లో నిమజ్జనం చేశారు. పొద్దున 10 గంటలకు రామ్ కుండ్ వద్ద గోదావరి జలాల్లో ఆమె అస్థికలను కలిపారు. లత సోదరి ఉషా మంగేష్కర్, మేనల్లుడు ఆదినాథ్ ఇతర కుటుంబ సభ్యులు, బంధువులతోపాటు నాసిక్లోని ఆమె అభిమానులు పెద్ద సంఖ్యలో కార్యక్రమానికి హాజరయ్యారు. నాసిక్ పురోహితుల సంఘం ప్రెసిడెంట్ సతీశ్శుక్లా కార్యక్రమాన్ని జరిపించారు. తర్వాత ఉషా మంగేష్కర్ మాట్లాడుతూ “ఆమె నాకు సోదరి కాదు అమ్మ. కార్యక్రమాలన్నీ పుణ్యతిథిలో శాస్త్రోక్తంగా జరిపించాం”అని చెప్పారు.
