ఖైరతాబాద్, వెలుగు: రవాణాశాఖ మంత్రి పొన్నం ప్రభాకర్పై హుజూరాబాద్ఎమ్మెల్యే పాడి కౌశిక్ రెడ్డి చేసిన ఆరోపణల్లో నిజం లేదని ప్లైయాష్ కాంట్రాక్టర్ల సంఘం వెల్లడించింది. ప్లైయాష్ రవాణా ద్వారా 100 కోట్ల స్కామ్ జరిగిందని ఆయన చేసిన ఆరోపణలు అవగాహన లేమితో చేసినవేనని తెలిపింది. శనివారం ప్రెస్క్లబ్లో జరిగిన విలేకరుల సమావేశంలో సంఘం నేత సమద్నవాబ్మాట్లాడారు.
తనకు కమీషన్ ఇవ్వలేదనే కోపంతోనే పొన్నం ప్రభాకర్పై కౌశిక్ రెడ్డి ఆరోపణలు చేస్తున్నారని తెలిపారు. కమీషన్ ఇవ్వనందుకే ప్లైయాష్ రవాణా చేస్తున్నవారిపై కక్ష పూరితంగా తప్పుడు కేసులు పెడుతున్నట్టు వివరించారు. ఎన్టీపీసీలో సింగరేణి నుంచి వచ్చిన బొగ్గు ద్వారా కరెంటు ఉత్పత్తి జరుగుతుందని, అనంతరం బూడిదగా మారిన బొగ్గు వేల ఎకరాల్లో పేరుకు పోతుందని చెప్పారు.
పేరుకు పోయిన ప్లైయాష్ ను తరలించేందుకు ఎన్టీపీసీ టెండర్లను ఆహ్వానిస్తుందన్నారు. గ్రావెల్ అందుబాటులో లేని ప్రాంతాల్లో రోడ్లు నిర్మాణం చేస్తున్న కాంట్రాక్టర్లకు ఉచితంగా ఈ బూడిదను అందిస్తున్నట్టు చెప్పారు. ప్లైయాష్ రవాణాపై ఆధార పడి మూడు వందల మంది జీవిస్తున్నారని తెలిపారు. ప్లైయాష్ కాంట్రాక్ట్ మొత్తం 150 కోట్లు కాగా.. ఇప్పటి వరకు 30 కోట్ల పనులే జరిగినట్లు వెల్లడించారు. అలాంటప్పుడు 100కోట్ల కుంభకోణం ఎలా సాధ్యమని సమద్నవాబ్ ప్రశ్నించారు. సమావేశంలో రవీందర్, మల్లేశం, రాజేశ్, ఫరీద్, శ్రీపాల్తదితరులు పాల్గొన్నారు.
