హైదరాబాద్, వెలుగు: బీజేపీకి చెందిన ఇతర రాష్ట్రాల ఎమ్మెల్యేలు తెలంగాణ ఎన్నికల ప్రచారంలో పాల్గొననున్నారు. శుక్రవారం నుంచి వివిధ నియోజకవర్గాల్లో ప్రచారాన్ని చేపట్టనున్నారు. అందులో భాగంగా గురువారమే పలు రాష్ట్రాలకు చెందిన బీజేపీ ఎమ్మెల్యేలు హైదరాబాద్కు చేరుకున్నారు.
మహారాష్ట్ర, కర్నాటక, గోవాకు చెందిన 150 మంది ఎమ్మెల్యేలు రాష్ట్రంలో ప్రచారం చేయనున్నారు. ఒక్కొక్కరికి ఒక్కో నియోజకవర్గాన్ని కేటాయించిన పార్టీ.. అందులో కొందరిని జిల్లాలకు ఇన్చార్జులుగా నియమించింది.
