మెహిదీపట్నం, వెలుగు: మైనర్ బాలిక(16)ను రేప్ చేసిన ఓ ఆటో డ్రైవర్ కు కోర్టు 20 ఏండ్ల జైలు శిక్ష విధించింది. లంగర్ హౌస్ లోని బాపూనగర్ కు చెందిన చాన్ కరణ్సింగ్ అలియాస్ ఆకాశ్(24) ఆటోడ్రైవర్ గా పనిచేసేవాడు. 2021 డిసెంబర్ 21న స్థానికంగా ఉండే ఓ బాలికను అతడు కిడ్నాప్ చేసి ఆమెపై అత్యాచారానికి పాల్పడ్డాడు. బాధితురాలి ఫిర్యాదు మేరకు లంగర్ హౌస్ పీఎస్ లో చాన్ కరణ్సింగ్ పై పోక్స్ యాక్ట్ కింద కేసు నమోదైంది. పోలీసులు నాంపల్లి ఫాస్ట్ ట్రాక్ కోర్టులో చార్జిషీట్ దాఖలు చేశారు. బుధవారం కేసు విచారణ జరగగా.. చాన్ కరణ్సింగ్ ను కోర్టు దోషిగా తేల్చింది. దాంతో అతడికి 20 ఏండ్ల జైలు శిక్షతోపాటు రూ.2,500 ఫైన్ విధిస్తూ తీర్పు వెల్లడించింది.
