కూకట్పల్లి, వెలుగు: తెలంగాణలో బీసీ కులాల జాబితా నుంచి తొలగించిన 27 కులాలను తిరిగి లిస్టులో చేర్చాలని బీసీ యువసేన జాతీయ సమన్వయకర్త మురళీకృష్ణ డిమాండ్ చేశారు. సోమవారం యువసేన ఆధ్వర్యంలో కూకట్పల్లిలో ధర్నా నిర్వహించి వై జంక్షన్ వద్ద అంబేద్కర్ విగ్రహానికి వినతిపత్రం అందజేశారు.
ఈ సందర్భంగా ఆయన మాట్లాడుతూ.. గతంలో కేసీఆర్ ప్రభుత్వం 27 బీసీ కులాలను జాబితా నుంచి తొలగిస్తూ జీవో నంబర్ 3 జారీ చేసిందని గుర్తు చేశారు. కాంగ్రెస్ ఇచ్చిన హామీ ప్రకారం ఆ కులాలను తిరిగి జాబితాలో చేర్చాలన్నారు.
రిజర్వేషన్లు తేల్చాకే ఎన్నికలు పెట్టాలి..బీసీ విద్యార్థి సంఘం
ముషీరాబాద్, వెలుగు: జీవో నంబర్ 46 రద్దు చేసి బీసీ రిజర్వేషన్లను తేల్చాకే రాష్ట్ర ప్రభుత్వం స్థానిక ఎన్నికలకు వెళ్లాలని బీసీ విద్యార్థి సంఘం రాష్ట్ర అధ్యక్షుడు వేముల రామకృష్ణ డిమాండ్ చేశారు. సోమవారం విద్యానగర్ లో విద్యార్థులతో కలిసి నిరసన తెలిపారు. సీఎం రేవంత్రెడ్డి అఖిలపక్షాన్ని ఢిల్లీకి తీసుకెళ్లి కేంద్ర ప్రభుత్వంపై ఒత్తిడి తేవాలని కోరారు.
