ఆర్మూర్/నందిపేట, వెలుగు: ఉమ్మడి నందిపేట మండలంలోని డొంకేశ్వర్, నికాల్పూర్ గ్రామాలకు చెందిన 300 మంది బీఆర్ఎస్, కాంగ్రెస్ పార్టీలకు చెందిన కార్యకర్తలు సోమవారం బీజేపీలో చేరారు. అంకాపూర్లోని పైడి రాకేశ్రెడ్డి నివాసంలో ఎంపీ ధర్మపురి అరవింద్, పార్టీ రాష్ట్ర కార్యదర్శి పల్లె గంగారెడ్డి వీరికి కండువా కప్పి పార్టీలోకి ఆహ్వానించారు. డొంకేశ్వర్ గ్రామానికి చెందిన కల్లెం సంతోష్రెడ్డి, డొంకేశ్వర్ఎత్తిపోతల వైస్ చైర్మన్ భూమన్న పార్టీలో చేరిన వారిలో ఉన్నారు. ఈ సందర్భంగా ఎంపీ ధర్మపురి అర్వింద్ మాట్లాడుతూ.. ఎమ్మెల్యే జీవన్ రెడ్డి అవినీతి అక్రమాలకు ప్రజలు చరమగీతం పాడే రోజులు వచ్చాయన్నారు. వచ్చే ఎన్నికల్లో అక్రమంగా సంపాదించిన ప్రజల సొమ్మును కక్కిస్తామన్నారు. కేసీఆర్ పాలనలో రాష్ట్రంలో ఏ ఒక్క డిపార్ట్మెంట్ బాగు పడలేదని, ఆర్మూర్, నిజామాబాద్ హాస్పిటల్స్లో వైద్యులు లేని పరిస్థితి ఉందన్నారు.
