43 రోజుల ప్రతిష్టంభన తర్వాత అమెరికా ప్రభుత్వ షట్ డౌన్ ముగిసింది. షట్ డౌన్ ముగించేందుకు అమెరికా చట్ట సభ ప్రవేశపెట్టిన బిల్లును ఆమోదించింది. ఇక అధ్యక్షుడు డొనాల్డ్ ట్రంఫ్ సంతకం చేయడమే ఆలస్యం. దాదాపు ఎనిమిది వారాల తర్వాత హౌస్ శాసనసభ్యులు దేశానికి తిరిగి వచ్చి సభలో పాల్గొన్నారు. 222–209 స్వల్ప మెజార్టీతో బుధవారం (నవంబర్ 12) బిల్ పాస్ అయ్యింది. ఇప్పటికే ఈ బిల్లు సెనెట్ లో ఆమోదం పొందింది. ఈ బిల్లును డొనాల్డ్ట్రంప్ సంతకం కోసం పంపారు.
చరిత్రలో ఎన్నడూ లేనంతగా 43 రోజుల అమెరికా ప్రభుత్వ షట్ డౌన్ కొనసాగింది. దీంతో నిధులు లేక ప్రభుత్వ ఉద్యోగులు జీతాలు రాక వీధినపడ్డారు. రికార్డు స్థాయిలో దీర్ఘకాలం కొనసాగిన షట్‌డౌన్‌లో ప్రజలకు, ప్రభుత్వ ఉద్యోగులకు, ఆర్థిక వ్యవస్థపై తీవ్ర ప్రభావం చూపింది. ఈ బిల్లుతో ప్రభుత్వ విభాగాలు మళ్లీ పూర్తి స్థాయిలో పనిచేస్తాయి. వారాలుగా నిలిచిపోయి ఉద్యోగుల జీతాలు అందుకోనున్నారు.
