కామారెడ్డి, వెలుగు : బాన్సువాడ టౌన్ గౌలిగూడ కాలనీలోని రహీమ్ గోదాంలో అక్రమంగా నిల్వ ఉంచిన 7.5 క్వింటాళ్ల రేషన్ బియ్యాన్ని మంగళవారం పట్టుకున్నట్లు ఎస్పీ సింధూశర్మ పేర్కొన్నారు. తమకు వచ్చిన సమాచారం మేరకు టాస్క్ఫోర్స్ సీఐ తిరుపతయ్య ఆధ్వర్యంలో సిబ్బంది తనిఖీలు చేసినట్టు తెలిపారు.
గుడుంబా అమ్ముతున్న ఇద్దరిపై కేసు
మాచారెడ్డి మండలం సోమార్పేట్లో గుడుండా తయారీ చేసి అమ్ముతున్న ఇద్దరు వ్యక్తులపై పోలీసులు కేసు నమోదు చేశారు. ఎస్పీ ఆదేశాలతో టాస్క్ఫోర్స్ సీఐ తిరుపతయ్య తనిఖీలు చేపట్టారు. చిట్టవోయిన నర్సయ్య గుడుంబా అమ్ముతుండగా ఇతన్ని పట్టుకొని 8.5 లీటర్ల గుడుంబాను స్వాధీనం చేసుకున్నారు. గుడుంబాను తయారు చేస్తున్న నెమలిగుట్ట తండాకు చెందిన హీనపై కసు నమోదు చేసి , ఈమె నుంచి 200 లీటర్ల ముడి సరుకును స్వాధీనం చేసుకున్నారు. వీరిద్దరిపై మాచారెడ్డి పోలీస్స్టేషన్లో కేసు నమోదైంది.
