దుబ్బాక, వెలుగు : మిత్రుడి అంత్యక్రియలకు వెళ్లిన స్నేహితుడు వాగులో పడి చనిపోయాడు. గ్రామస్తుల కథనం ప్రకారం...సిద్దిపేట జిల్లా దుబ్బాక మండలం ఆకారం గ్రామానికి చెందిన మెట్ల శ్రీనివాస్, దండబోయిన పర్శరాములు ట్రాక్టర్ డ్రైవర్లు. ఇద్దరు మంచి స్నేహితులు. శ్రీనివాస్బుధవారం గుండెపోటుతో మరణించాడు. మిత్రుడి అంత్యక్రియలు పూర్తయిన తర్వాత పర్శరాములు గ్రామ సమీపంలోని కూడవెళ్లి వాగులోకి అందరితో కలిసి స్నానానికి వెళ్లాడు. వాగులో ఈత కొడుతున్న క్రమంలో ఒక్కసారిగా మునిగిపోయాడు. ఎంతకూ బయటకు రాకపోవడంతో అక్కడున్న వారు గాలించి , పర్శరాములును బయటకు తీశారు. అప్పటికే పర్శరాములు చనిపోయాడు. మృతుడికి భార్య మౌనిక, ఇద్దరు బిడ్డలు, కొడుకు ఉన్నారు.
