మాదాపూర్, వెలుగు : కంపెనీ నుంచి క్యాబ్ల తీసివేతకు కారణమయ్యాడని క్యాబ్ సూపర్వైజర్పై ఓ క్యాబ్ డ్రైవర్కత్తితో దాడి చేసిన ఘటన మాదాపూర్ పీఎస్ పరిధిలో చోటు చేసుకుంది. మాదాపూర్ పోలీసుల వివరాల ప్రకారం.. పహాడిషరీఫ్కు చెందిన రియాజ్, ఇర్ఫాన్లు మాదాపూర్లోని ఓ సాఫ్ట్వేర్కంపెనీలో క్యాబ్లు పెట్టారు. ఇర్ఫాన్ డ్రైవర్ గా... రియాజ్ క్యాబ్స్సూపర్వైజర్గా చేస్తున్నారు. ఇర్ఫాన్ సరిగా డ్యూటీ చేయకపోవడంతో అతనిపై రిమార్క్పెట్టారు. దీంతో రెండు నెలల కిందట ఇర్ఫాన్క్యాబ్లను కంపెనీ నుంచి తొలగించారు.
దీంతో తన కార్లను తొలగించడానికి రియాజ్నే కారణమని ఇర్ఫాన్ కక్ష గట్టాడు. బుధవారం తెల్లవారుజామున 5.30 గంటల సమయంలో కంపెనీ వద్ద రోడ్డుపై నిలబడ్డ రియాజ్పై ఇర్ఫాన్ కత్తితో దాడి చేయగా, ఎడమ చేతికి గాయాలు అయ్యాయి. స్థానికులు వెంటనే సమీపంలోకి ఆస్పత్రికి తరలించారు. బాధితుడు రియాజ్కంప్లయింట్ తో నిందితుడిపై కేసు నమోదు చేసి చేశామని మాదాపూర్ పోలీసులు తెలిపారు.