న్యూఢిల్లీ: ఇప్పటికే తొమ్మిది మొబైల్ సిమ్ కార్డులు ఉన్న వారికి కొత్తవి ఇవ్వకూడదని టెలికాం ఆపరేటర్లను టెలికాం శాఖ (డాట్) ఆదేశించింది. ఆగస్టు 24 నుంచి కొత్త రూల్ అమల్లోకి రానుంది. తొమ్మిదికి మించి కనెక్షన్లు కోరేవారిని గుర్తించడానికి టెల్కోలు చర్యలు తీసుకోవాలని స్పష్టం చేసింది.
వీరి వివరాలను సేకరించేందుకు డిజిటల్ ఇంటెలిజెన్స్ ప్లాట్ఫారమ్ను (డీఐపీ) ఉపయోగించాలని సూచించింది. ఈ పరిమితి దాటిన వారి ఫోటోలు ఆగస్టు 23 నుంచి డీఐపీలో అందుబాటులో ఉంటాయని తెలిపింది. ఈ నిబంధనలు అమలు చేసేవరకు పరిమితికి మించి యాక్టివేట్ అయిన సిమ్ కార్డులకు సేవలను నిలిపివేయాలని డాట్ఆదేశించింది.
