కోనరావుపేట, వెలుగు : దాహం తీర్చుకోవడానికి వచ్చిన ఓ చుక్కల దుప్పి నీళ్లు లేని వ్యవసాయ బావిలో పడింది. రాజన్న సిరిసిల్ల జిల్లా కోనరావుపేట మండలం మరిమడ్ల అటవీ ప్రాంతం నుంచి సోమవారం ఓ చుక్కల దుప్పి సమీపంలోని వ్యవసాయ భూముల్లోకి వచ్చింది.
నీరు తాగేందుకు ప్రయత్నించి బావిలో పడింది. స్థానిక రైతులు ఫారెస్ట్ ఆఫీసర్లకు సమాచారమిచ్చారు. వారు అక్కడికి చేరుకొని దుప్పిని సురక్షితంగా బయటకు తీసి అడవిలో వదిలిపెట్టారు. వేసవి సమీపిస్తుండడంతో వన్యప్రాణులు జనావాసాల్లోకి వస్తున్నాయని, వాటికి ఎలాంటి హాని చేయొద్దని ఫారెస్ట్ ఆఫీసర్లు సూచించారు.
