వానాకాలం కావడంతో ట్రాన్స్ఫార్మర్ కు తీగల చెట్టు అల్లుకుపోయింది. దాని పక్కనే కాలనీ పార్క్ ఉంది. రోజూ పిల్లలు, పెద్దలు అందులోకి వెళ్తుంటారు. ట్రాన్స్ ఫార్మర్ తో ప్రమాదం పొంచి ఉండగా.. ఎప్పుడైనా విద్యుత్ షాక్కు గురయ్యే అవకాశం ఉంది . రంగారెడ్డి జిల్లా రాజేంద్రనగర్మండలం ఉప్పర్పల్లి వెంకటేశ్వర ఎన్క్లేవ్ కాలనీలో ఇలాంటి పరిస్థితి చాలా రోజులుగా ఉంటుంది.
దీనిపై స్థానిక రాజేంద్రనగర్ విద్యుత్ ఏఈకి తెలపడమే కాకుండా కాలనీ కమిటీ వినతిపత్రం కూడా అందించింది. అయినా ఇంతవరకు ఎలాంటి చర్యలు తీసుకోలేదు. ఆ ట్రాన్స్ ఫార్మర్ తో ఎప్పుడు ఎలాంటి ప్రమాదం ముంచుకొస్తుం దోనని కాలనీవాసుల్లో భయాందోళన నెలకొంది. ఇప్పటికైనా విద్యుత్ అధికారులు స్పందించి వెంటనే అల్లుకుపోయిన చెట్టును తొలగించాలని కోరుతున్నారు. మరోసారి చెట్లు పెరగకుండా తగు జాగ్రత్తలు తీసుకోవాల్సిన అవసరముందని పేర్కొంటున్నారు.
