Ishan Kishan vs Mohammed Siraj: న్యూజిలాండ్‌తో నాలుగో వన్డేకు సిద్ధమవుతున్న భారత ఆటగాళ్లు ప్రాక్టీస్ సెషన్‌లో సరదాగా గడిపారు. తీవ్రమైన మ్యాచ్‌ల ఒత్తిడికి కాస్త దూరంగా ఆటగాళ్లంతా మైదానంలో నవ్వులు పూయించారు. ముఖ్యంగా వికెట్ కీపర్ ఇషాన్ కిషన్, ఫాస్ట్ బౌలర్ మహమ్మద్ సిరాజ్ మధ్య జరిగిన ఫుట్‌బాల్ ఛాలెంజ్ వీడియో ప్రస్తుతం సోషల్ మీడియాలో తెగ వైరల్ అవుతోంది.
ఏంట ఈ ఫుట్‌బాల్ ఛాలెంజ్?:
మైదానంలో బౌండరీ లైన్ దగ్గర ఉన్న రెండు ఎల్ఈడీ ప్రకటన బోర్డుల మధ్య ఉన్న ఖాళీ ప్రదేశం (గ్యాప్) గుండా ఫుట్‌బాల్‌ను బయటకు పంపాలనేదే ఈ ఛాలెంజ్. ఇషాన్ కిషన్, మహమ్మద్ సిరాజ్ ఇద్దరూ ఈ పోటీలో పాల్గొని తమ అదృష్టాన్ని పరీక్షించుకున్నారు. అయితే తొలి కొన్ని ప్రయత్నాలలో ఇద్దరూ ఆ లక్ష్యాన్ని చేరుకోవడంలో విఫలమయ్యారు.
ఇషాన్, సిరాజ్ ఫన్నీ డిస్కషన్:
వరుసగా విఫలమవుతున్న మహమ్మద్ సిరాజ్‌ను చూసి ఇషాన్ కిషన్ వెంటనే సరదాగా ఆటపట్టించాడు. నువ్వు క్రిస్టియానో రొనాల్డోకు పెద్ద ఫ్యాన్ కదా.. రొనాల్డో పేరు ఎప్పుడైనా విన్నావా? అంటూ నవ్వులు పూయించాడు. దీనికి సిరాజ్ కూడా అంతే సరదాగా బదులిస్తూ.. రొనాల్డో టాపిక్ వచ్చింది కాబట్టి కచ్చితంగా గోల్ కొట్టి తీరాల్సిందే అన్నట్లుగా బదులిచ్చాడు.
►ALSO READ | అసలు సమరానికి వేళాయె.. శనివారమే భారత్ vs పాక్ ఫైనల్.. ఆ ఓటమికి ప్రతీకారం తీర్చుకునే ఛాన్స్!
ఇద్దరూ పట్టువదలకుండా ప్రయత్నించగా.. చివరకు ఆరో ప్రయత్నంలో ఇషాన్ కిషన్ అద్భుతంగా కిక్ చేసి ఆ రెండు బోర్డుల మధ్య నుంచి బంతిని పంపించి గోల్ సాధించాడు. వెంటనే ఎగిరి గంతులేస్తూ సిరాజ్‌ను ఉద్దేశించి ఏమన్నావ్? నేనే కొడతానని చెప్పా కదా! అంటూ విజయానందాన్ని వ్యక్తం చేశాడు. ఈ సరదా సన్నివేశాన్ని బీసీసీఐ తన అధికారిక సోషల్ మీడియా ఖాతాలో షేర్ చేయగా, క్రికెట్ అభిమానులను ఇది బాగా ఆకట్టుకుంటోంది.
సిరీస్ డిసైడర్‌కు సిద్ధమవుతున్న భారత్:
భారత్ వర్సెస్ న్యూజిలాండ్ మధ్య ఐదు మ్యాచ్‌ల వన్డే సిరీస్‌లో భాగంగా నాలుగో వన్డే నవంబర్ 13వ తేదీన మౌంట్ మౌంగనుయ్‌లోని బే ఓవల్ వేదికగా జరగనుంది. తొలి రెండు మ్యాచ్‌లు గెలిచి భారత్ 2–0 ఆధిక్యంలో ఉండగా, మూడో వన్డే వర్షం కారణంగా రద్దయింది. రెగ్యులర్ కెప్టెన్ గిల్ గైర్హాజరీలో ఈ మ్యాచ్‌లకు శ్రేయస్ అయ్యర్ సారథిగా వ్యవహరిస్తుండగా, ఇషాన్ కిషన్ వైస్ కెప్టెన్‌గా బాధ్యతలు నిర్వర్తిస్తున్నాడు. ఈ మ్యాచ్‌లో గెలిచి సిరీస్‌ను కైవసం చేసుకోవాలని టీమిండియా పట్టుదలగా ఉంది.
Ishan Kishan 🆚 Mohd. Siraj ⚽️ Putting their best 'FOOT' forward 😉 Who is the better striker? 🤔 #TeamIndia | #NZvIND | @ishankishan51 | @mdsirajofficial https://t.co/7OiQDtBkon
— BCCI (@BCCI) November 12, 2026
