- డీల్ విలువ రూ.11,662 కోట్లు
న్యూఢిల్లీ: ప్రపంచంలోనే అతిపెద్ద నౌకాయాన సంస్థ, స్విట్జర్లాండ్కు చెందిన ఎంఎస్సీ కేరళలోని విజింజమ్ పోర్ట్ లో 49 శాతం వాటాను రూ.11,662 కోట్ల విలువతో కొనుగోలు చేస్తోంది. ఈ వాటాను ఎంఎస్సీ తన అనుబంధ సంస్థ టెర్మినల్ ఇన్వెస్ట్మెంట్ లిమిటెడ్ ద్వారా దక్కించుకుంది. భారతీయ నౌకాశ్రయ మౌలిక సదుపాయాల్లో జరిగిన అతిపెద్ద విదేశీ ప్రైవేట్ పెట్టుబడి ఇదేనని అదానీ పోర్ట్స్ అండ్ స్పెషల్ ఎకనామిక్ జోన్ (ఏపీసెజ్) తెలిపింది. విజింజమ్ పోర్ట్ సామర్థ్యం ప్రస్తుతం 1.6 మిలియన్ల ట్వంటీ ఫూట్ ఈక్వివలెంట్ యూనిట్లు (టీఈయూలు) ఉంది. ఇది 2028 డిసెంబర్ నాటికి 5.7 మిలియన్ టీఈయూలకు పెరగనుంది. ఈ ఒప్పందం అదానీ పోర్ట్స్ కు సరుకు రవాణా పరిమాణాన్ని పెంచడంలోనూ, తూర్పు ఆఫ్రికా వాణిజ్య మార్గాల్లో పట్టు సాధించడంలోనూ సహాయపడుతుంది.
