- హిండెన్బర్గ్ రిపోర్ట్తో భారీ నష్టాలు
న్యూఢిల్లీ: అదానీ గ్రూప్ కంపెనీలపై అమెరికాకు చెందిన ఒక కంపెనీ తయారు చేసిన రీసెర్చ్ రిపోర్ట్స్టాక్ మార్కెట్ను అమాంతం కింద పడేసింది. ఇన్వెస్టర్లకు రూ.లక్షల కోట్ల నష్టాలను తెచ్చిపెట్టింది. ప్రపంచంలోని అత్యంత సంపన్నుల్లో ఒకరైన గౌతమ్ అదానీ కంపెనీ బలహీనంగా ఉందని ప్రకటించడంతో బుధవారం దలాల్స్ట్రీట్ దడదడలాడింది. ఏడు అదానీ గ్రూప్ కంపెనీల షేర్లు విపరీతంగా నష్టపోవడంతో ఇండెక్స్లు ఢీలా పడ్డాయి. ఈ రిపోర్టు ఇన్వెస్టర్లలో ఆందోళనను పెంచింది. ఇది చాలదన్నట్టు గ్లోబల్ మార్కెట్ల నుంచి కూడా నెగిటివ్ సంకేతాలు వచ్చాయి. దీంతో ముగింపు సమయానికి, బీఎస్ఈ సెన్సెక్స్ దాదాపు 774 పాయింట్లు తగ్గి 60,205.06 వద్ద స్థిరపడింది. ఎన్ఎస్ఈ నిఫ్టీ 1.25 శాతం పడిపోయి 17,892 దగ్గర ముగిసింది. పెరిగిన అస్థిరత కారణంగా బ్రాడ్ మార్కెట్లు కూడా పడిపోయాయి. ‘‘అదారీ గ్రూప్‌‌‌‌‌‌కు పెద్ద ఎత్తున అప్పులు ఉన్నాయి. షేర్ల మానుప్యులేషన్ వల్లే అవి బాగా పెరిగాయి. అకౌంటింగ్ లోపాలూ విపరీతంగా ఉన్నాయి. ఏళ్ల తరబడి వీళ్లు అకౌంటింగ్ మోసాలు చేస్తున్నారు. కొన్ని దేశాల్లో షెల్ కంపెనీల ద్వారా అదానీ ఎంటిటీలు అవినీతికి పాల్పడుతున్నాయి. మనీలాండరింగ్ చేస్తున్నాయి. లిస్టెడ్ కంపెనీల డబ్బును దొంగిలిస్తున్నాయి. మేం ఎంతో మంది కంపెనీ మాజీ ఆఫీసర్లతో, ఇతరులతో మాట్లాడాకే ఈ విషయాలు తెలిశాయి. అప్పులు, షేర్ల తనఖా కారణంగా కంపెనీ చాలా ప్రమాదంలో ఉంది’’అని యూఎస్ షార్ట్ సెల్లర్ హిండెన్బర్గ్ ఒక రిపోర్ట్ వెల్లడించడం సంచలనానికి కారణమైంది. షేర్ల వాల్యుయేషన్ చాలా ఎక్కువగా ఉందని, వీటి విలువ 85 శాతం తగ్గే అవకాశం ఉందని స్పష్టం చేసింది. ఈ రిపోర్టు వివరాలు వెల్లడయ్యాక ఏడు అదానీ గ్రూప్ కంపెనీల స్టాక్‌‌‌‌లు 1.5 శాతం నుండి 7.77 శాతం మధ్య పడిపోయాయి. ఫ్లాగ్‌‌‌‌షిప్ అదానీ ఎంటర్‌‌‌‌ప్రైజెస్ 1.54 శాతం పడిపోగా, అదానీ పోర్ట్స్ స్పెషల్ ఎకనామిక్ జోన్ 6 శాతానికి పైగా పడిపోయింది. నిఫ్టీ ఇండెక్స్‌‌‌‌లో అదానీ పోర్ట్స్ టాప్ లూజర్‌‌‌‌గా నిలిచింది. అదానీకి చెందిన సిమెంట్ సంస్థలు ఏసీసీ 7.28 శాతం, అంబుజా సిమెంట్స్ 7.77 శాతం పడిపోయాయి. ఇతర బ్లూచిప్ ఇండెక్స్లలో ఎస్బీఐ, ఇండస్‌‌‌‌ఇండ్ బ్యాంక్ ఒక్కొక్కటి 4 శాతం పడిపోగా, హెచ్‌‌‌‌డిఎఫ్‌‌‌‌సీ బ్యాంక్ 3 శాతం పడింది. హెచ్‌‌‌‌డీఎఫ్‌‌‌‌సీ, సిప్లా, యాక్సిస్ బ్యాంక్, టెక్ మహీంద్రా, అపోలో హాస్పిటల్స్, అల్ట్రాటెక్ సిమెంట్, ఐసిఐసిఐ బ్యాంక్, లార్సెన్ అండ్ టూబ్రో 2 శాతం చొప్పున నష్టపోయాయి. లాభపడిన వాటిలో బజాజ్ ఆటో, హెచ్‌‌‌‌యుఎల్ మొదటిస్థానంలో ఉండగా, హిందాల్కో, బ్రిటానియా, మారుతీ సుజుకీ జెఎస్‌‌‌‌డబ్ల్యు స్టీల్ తర్వాతి స్థానాల్లో ఉన్నాయి. హిండెన్బర్గ్ రిపోర్టు, డెరివేటివ్‌‌‌‌ల సిరీస్‌‌‌‌కు నెలవారీ గడువు ముగియడం, ప్రీ-బడ్జెట్ ర్యాలీ ఎఫెక్ట్ లేకపోవడంతో ఈక్విటీలు నష్టపోయాయని ప్రాఫిట్‌‌‌‌మార్ట్ సెక్యూరిటీస్ రీసెర్చ్ హెడ్ అవినాష్ గోరక్షకర్ అన్నారు.
మా ఎఫ్పీఓను దెబ్బతీయడానికే...
"మమ్మల్ని సంప్రదించకుండా, నిజానిజాలను రూఢీ చేసుకోకుండా హిండెన్బర్గ్ రీసెర్చ్ రిపోర్ట్ను ప్రచురించినందుకు మేం ఆశ్చర్యపోయాం. ఇందులో ఉన్నది తప్పుడు, పాత సమాచారం. అన్నీ నిరాధారమైన ఆరోపణలు. మమ్మల్ని అపఖ్యాతి పాలు చేయడానికే ఈ ప్రయత్నం. భారతదేశ అత్యున్నత న్యాయస్థానాల్లోనూ ఈ ఆరోపణలు నిలవలేదు" అని అదానీ గ్రూప్ సీఎఫ్ఓ జుగేషీందర్ సింగ్ ఒక ప్రకటనలో తెలిపారు. త్వరలో రాబోతున్న తమ ఎఫ్పీఓను దెబ్బతీయాలనే ప్రధాన లక్ష్యంతో, అదానీ గ్రూప్ ప్రతిష్టను అణగదొక్కడానికి ఇలా చేశారని మండిపడ్డారు. ఆర్థిక నిపుణులు, ప్రముఖ జాతీయ అంతర్జాతీయ క్రెడిట్ రేటింగ్ ఏజెన్సీలు రూపొందించిన రిపోర్ట్ల ఆధారంగా పెట్టుబడిదారులు ఎల్లప్పుడూ అదానీ గ్రూప్‌‌‌‌పై విశ్వాసం ఉంచుతున్నారని పేర్కొన్నారు. ఈ రిపోర్టు వల్ల తమ సంస్థకు ఏమీ కాదని స్పష్టం చేశారు. అదానీ ఎఫ్పీఓను శుక్రవారం పబ్లిక్ సబ్‌‌‌‌స్క్రిప్షన్ కోసం అందుబాటులోకి తెస్తారు. యాంకర్ బుక్ సబ్‌‌‌‌స్క్రిప్షన్ ఓవర్‌‌‌‌సబ్‌‌‌‌స్క్రైబ్ అయింది. ఇదిలా ఉంటే, నేట్ ఆండర్సన్ స్థాపించిన, యూఎస్-ఆధారిత హిండెన్బర్గ్ రీసెర్చ్ ఫోరెన్సిక్ అకౌంటింగ్ కంపెనీ.
