హైదరాబాద్, వెలుగు : కేఆర్ఎంబీకి శ్రీశైలం, నాగార్జున సాగర్ప్రాజెక్టుల అప్పగింతపై శుక్రవారం ఢిల్లీలో నిర్వహించాల్సిన సమావేశం వాయిదా వేస్తున్నామని కేంద్ర జలశక్తి శాఖ ఏపీ, తెలంగాణ ఇరిగేషన్సెక్రటరీలకు సమాచారం ఇచ్చింది. జనవరి 17న నిర్వహించిన సమావేశంలో నెల రోజుల్లోగా రెండు ప్రాజెక్టుల్లోని 15 కంపోనెంట్లను బోర్డు నిర్వహణకు అప్పగించాలని కేంద్రం ఆదేశించింది. ఈ ప్రక్రియపై చర్చేందుకు శుక్రవారం సమావేశం ఏర్పాటు చేయగా తాము మీటింగ్కు రాలేమని తెలంగాణ ఇరిగేషన్సెక్రటరీ రాహుల్బొజ్జా కేంద్ర జలశక్తి శాఖ కార్యదర్శి దేబశ్రీ ముఖర్జీకి లేఖ రాశారు.
తెలంగాణ సీఎం ఈ నెల 13న అసెంబ్లీలో కృష్ణా ప్రాజెక్టులు, కేఆర్ఎంబీ, కేంద్ర జలశక్తి శాఖతో సమావేశాలకు సంబంధించిన వైట్పేపర్ప్రవేశపెట్టారని తెలిపారు. దీనిపై అసెంబ్లీలో చర్చ జరగాల్సి ఉందని చెప్పారు. ఈ పరిస్థితుల్లో తాము సమావేశానికి హాజరుకాలేమని స్పష్టం చేశారు. ఈ నేపథ్యంలోనే సమావేశాన్ని కేంద్రం వాయిదా వేసింది.
