India vs Afghanistan 3rd ODI: చెన్నై (చెపాక్) వేదికగా ఆఫ్ఘనిస్థాన్తో జరుగుతున్న చివరి వన్డేలో భారత బౌలర్లు, ఫీల్డర్లు గ్రౌండ్లో పూనకాలతో ఊగిపోయారు. మొదట బ్యాటింగ్ చేసిన ఆఫ్ఘన్ జట్టును భారత పేసర్ ప్రసిద్ధ్ కృష్ణ (Prasidh Krishna) తన కెరీర్లోనే మొట్ట మొదటి 5 వికెట్ల హాల్తో పల్టీలు కొట్టించాడు. దీనికి తోడు మనోళ్లు ఫీల్డింగ్లోనూ రచ్చ లేపడంతో ఆఫ్ఘనిస్థాన్ 44.2 ఓవర్లలో 218 పరుగులకే ఆలౌట్ అయింది.
ప్రసిద్ధ్ కృష్ణ పంజా:
టాస్ గెలిచి బ్యాటింగ్ తీసుకున్న ఆఫ్ఘనిస్థాన్కు ప్రసిద్ధ్ కృష్ణ స్టార్టింగ్లోనే చుక్కలు చూపించాడు. ఇన్నింగ్స్ మొదటి 4 వికెట్లు తనే పడగొట్టి.. కేవలం 36 పరుగులకే ఆఫ్ఘన్ టాప్ ఆర్డర్ను కుప్పకూల్చాడు. కానీ, ఆ తర్వాత ఆఫ్ఘన్ కెప్టెన్ హష్మతుల్లా షాహిదీ కెప్టెన్ ఇన్నింగ్స్ ఆడుతూ వన్డేల్లో తన మొట్టమొదటి సెంచరీ (102 పరుగులు) నమోదు చేశాడు. అతనికి ఆల్ రౌండర్ అజ్మతుల్లా ఒమర్జాయ్ (50) తోడుగా నిలిచి ఇన్నింగ్స్ను నిలబెట్టాడు. కానీ చివరికి మళ్లీ ప్రసిద్ధ్ కృష్ణే షాహిదీ వికెట్ తీసి ఆఫ్ఘన్ ఇన్నింగ్స్కు ఎండ్ కార్డ్ వేశాడు (5/23).
రోహిత్ శర్మ ఆల్-టైమ్ రికార్డు:
ఈ మ్యాచ్లో బౌలింగ్తో పాటు భారత ఫీల్డింగ్ నెక్స్ట్ లెవెల్లో సాగింది. ఇన్నింగ్స్ చివర్లో కెప్టెన్ శుభ్మన్ గిల్ వరుసగా రెండు బంతుల్లో ఇద్దరు బ్యాటర్లను బుల్లెట్ లాంటి త్రోలతో రన్ అవుట్ చేసి ఆఫ్ఘన్కు గట్టి షాక్ ఇచ్చాడు. ఇక ప్రసిద్ధ్ కృష్ణ బౌలింగ్లో మొదటి మూడు క్యాచ్లను రోహిత్ శర్మే అందుకున్నాడు. దీని ద్వారా వన్డేల్లో ఒకే బౌలర్ బౌలింగ్లో 3 క్యాచ్లు పట్టిన భారత ఫీల్డర్లుగా ఉన్న వీవీఎస్ లక్ష్మణ్, శిఖర్ ధావన్ ల ఆల్-టైమ్ రికార్డును హిట్ మ్యాన్ సమం చేశాడు. ఇక మిగిలిన వికెట్లను ప్రిన్స్ యాదవ్, గుర్నూర్ బ్రార్, హర్ష్ దూబేలు తలో వికెట్ తీసుకున్నారు.
